|
رد: هام وعاجل تغيير تخصص من ادارة اعمال لإدارة ارجو الدخول جميعاً الفرج قريب بأذن الله
السلام عليكم ورحمة الله وبركاته
أسعد الله اوقاتكم بكل خير
اخواني وخواتي
أشكركم جميعاً على تفاعلكم وعلي حرصكم وثقتكم ودعمكم
بخصوص ايميل الجامعة تحصلونه في موقعهم واحرصو على الفاكس لأنه فاكس مدير الجامعة
انا مرتب الامور بالتدريج ما ابي اتخطا مراجع لأن اهم شي ابي رد الجامعة لأنه بيدينهم ادانه قويه
بأذن الله لا أخليهم يضربون لنا حساب
لا تنسوني من دعاءكم اهم شي
ولا تتخاذلون فكلكم أشراف أبناء وبنات اشراف لا يرضون المهونه ولا الظلم الموضوع معنا بأذن الله
فيه قريب لي توه مسجل يبدا رقمه الاكاديمي 216 تسجيله ادارة اعمال ما كتبو ادارة
وهذا خطئهم يتحملونه واحنا نبي تخصصنا ادارة اعمال هذا هدفنا وما تمنيناه وطلبناه ومن اجله سجلنا في الجامعة
اما انهم يكذبون على العالم يقولون ادارة اعمال ويغيرون هذا بحد ذاته نصب واحتيال وفساد
الموضوع ما راح اسكت عنه وبيتم التقديم لجهات حكومية رسمية على هذا التلاعب والغش
الي ابيه منكم ارسلو علي الفاكس وبحثو عن ايميل الجامعة بالموقع وارسلو اهم شي نبي ردهم عشان نحاجهم انا يوم رحت لهم ما عندهم اي دليل على تغيير ولا عندهم هدف يتخبطون
في انتظاركم الي يرسل معاملتة يخبرني اذا جاه رد ظروري
والي يعرف اعلاميين يرسلي ارقامهم اتواصل معهم سواء محررين او مذيعين مستعد اطلع للاعلام واتكلم
أسأل الله العلي الجليل ان يوفقنا وياكم وكل مسلم
ويجعل عملنا خالص لوجهه سبحانه
ويجعل من كادنا ان كيدة في نحره يا رب
مع الشكر والتقدير لمشرفين الملتقى وادارة الموقع على حرصهم واهتمامهم للمواضيع الهادفه
|