|
:: المراقب العام ::
الساحة العامة
|
رد: جــــــدول الخــواطـــر ~~~~
قبل كم يوم وأنا أتصفح الفيسبوك طلع لي إعلان في النص عن العمل في أستراليا
قلت خلني أجرب حظي, يمكن عندهم شي زين, وأكيد الإعلان مش نصبة لإنه مرخص من الفيسبوك مو في أي موقع
المهم ضغطت على الإعلان وبدأت في تعبئة البيانات ومن ضمنها رقم جوالي, وبعدين دخلني على صفحة ثانية يبي بيانات الفيزا ومش عارف إيش, فأنا مليت وتركت النموذج بدون ما أكمله
بعدين ما أشوف إلا الاتصالات الدولية ورى بعض, بس ما رديت عليها, توقعت إنها منهم
بس قلت لهذي الدرجة أستراليا محتاجين موظفين, أنا حتى ما أكملت تعبئة النموذج! وبعدين الرقم من أمريكا فزاد الشك عندي, وهذا بداية الريبة من الموضوع, فقلت ما راح أرد
المهم الجماعة ما سكتوا, وضلو يتصلو يومين, قلت خلني أشوف شعندهم
رديت عليهم, كلمني واحد أمريكي, قلت له أنا بس كذا معبي النموذج, ما قررت إني أهاجر, قال لي عادي انت بس شوف وش عندي ومنت بملزوم تاخذ التأشيرة لو طلعت, غير إنها ماراح تطلع لك بكرة, العملية ممكن تاخذ سنتين.
قلت له طيب عطنا شعندك, وصار يسألني أسئلة شخصية كأنه بيطلع لي تأشيرة صحيح, وما باقي إلا يسألني عن مقاس حفاظات ولدي.
تالي سوى نفسه معلق المكالمة علشان يسأل الإدارة عن أهليتي للتأشيرة, وقال لي مبروك  أنت مؤهل للحصول على التأشيرة, بس لازم تكمل معانا بقية الخطوات, وبعدين وصلنا للزبدة, قال لي عطني أول ستة أرقام من بطاقة الفيزا حقتك 
أنا هنا الفار بدا يلعب في عبي  , إيش تبغى في الفيزا, احنا قلنا دردشة, قلت له البطاقة مو عندي, قال لي بستناك على الخط, روح جيبها وتعال, يليل النشبة  , قلت له أنا في العمل والبطاقة في البيت, شرايك تتصل بعدين؟ وبما إنه يدري إني لو سكرت ما راح أرد عليه مرة ثانية, قال لي: ما أقدر, يا تجيبها يا أكنسل الطلب, قلت له أفا (بالإنجليزي ) يعني ما في نصيب (بالإنجليزي برضو ) خلاص كنسل, قال لي ليش ما تبغى تعطيني رقم الفيزا, ترى ما أقدر أسوي فيها شي إلا بموافقتك, هل انت متضايق من شي؟, قلت له مصدقك بس هي مش عندي, فقال خلاص راح أكنسل الطلب وسكر الخط على طول.
المهم بعدين أدخل النت وأكتب اسم الموقع تبع الدعاية هذي, هل هي شركة احتيال ولا إيش الهرجة
وكم كان يبي يسحب من الفيزا عشان هالدردشة, ولو إن الفيزا مافيها حتى خمسين ريال بس الاحتياط واجب, إلا أشوف موقع كاتبين فيه ناس يشتكون من هذي الشركة وإنهم سحبو من فيزتهم ولا استفادو شي
الشركة كانت تبغى تسحب 600$ يعني أكثر من ألفين ريال وناس سحبت من عندهم قريب الآلف دولار
الغريب في الموضوع أن إعلانها كان في الفيس بوك, ليش الفيسبوك يسمح بهكذا إعلان مضلل
واكتشفت اللعبة بعدين, هم معتمدين على أن الناس ما تقرأ شروط الخدمة, وهنا الاحتيال في الموضوع
كاتبين إن احنا مش جهة رسمية ولا حكومية ولا لنا علاقة بالحكومة الاسترالية  بهذي العبارة حموا أنفسهم من الملاحقة القانونية. طيب وبعدين؟
يقولوا احنا وظيفتها إننا نساعدك في الحصول على التأشيرة والعمل في أستراليا عن طريق مستشارين ومحامين, بس ما نضمن لك تطلع التأشيرة, يعني شغلنا هو تقديم المشورة فقط!!
يعني عملية احتيال بس بطريقة قانونية
حبيت أشارككم التجربة للفائدة وللحذر من مثل هذه الأشياء
|