ملتقى طلاب وطالبات جامعة الملك فيصل,جامعة الدمام - عرض مشاركة واحدة

رَاء. · 2016- 2- 19

اولاً : تقييم
ثانياً : إعجاب

ثالثا : الموضوع هذا مب على الجرح .. الا مصوبه تصويب مضبوط .

فوق كل شيء النصيب يلعب دور سبحان الله .. مهما مرت تجارب فاشلة من ناحية الاقارب نرجع ونقول النصيب ما نحط الغلط لا على اهل البنت ولا على اهل الولد يقول الشعراوي :

لاتقلق من تدابير البشر فأقصى ما يستطيعون فعله معك تنفيذ إرادة الله.

بالنهاية هو بيد رب العالمين ومو عشان تجارب فاشلة احكم على هالشيء للابد انه خطأ برغم معظم التجارب الفاشلة اللي حولي .

أنا كوالد هند :

يا بنيتي اسمعيني زين، سعادتك عندي فوق الدنيا كلها ..
ممكن احنا نشوف شيء انتي ما تشوفينه وكلامنا لك لا تاخذينه على محمل الجد وصيغة الأمر انما احنا نشور عليك وما خاب من استشار، سوي جدول بين ولد عمك وبين ناصر، سلبيات وايجابيات بعيداً عن العواطف وتأكدي أن رايك راح يمشي على رقبتي وعلينا كلنا، لا تخافين من علاقتي انا وعمك واهلي سواء وافقتي أو رفضتي الزمن كفيل انه يغير اشياء كثيرة، استخيري واخلصي بالدعاء وفرغي قلبك من العاطفة وفرغي عقلك منهم الأثنين واستخيري وانتي خالية البال والقلب .
القرار قرارك .

اقتباس:

القصور في ولد أخي إذا كان مادياً أو قصور اجتماعي وغيره فهي قادرة على النهوض به وجعل القصور يتقلص مع مرور الوقت فالمرأة الجيده هي القادرة على تذليل الصعاب .

من شيمتك يا عبدالله وطيب أصلك، وهذا الكلام تسويه عوائل اصيلة لكن البعض منهم قوبل بإنكار الإحسان للأسف وليس الكل، بالنسبة للمجتمع اللي حولي صارت في حريم كثير على قولتك ذللت له الصعاب وكأنها تذلل له طريق إنكار المعروف والإحسان فضاعت اعمالها هباء منثورا وكل شيء مقدّر ومكتوب عند رب العالمين، لكن صدقاً مقولتك مقولة صاحب شيمة.