2016- 2- 21
|
#41
|
|
مشرفة المستوى الثامن علم اجتماع سابقاً
|
تخيل لو .. ! الحلقة الثانية : ( أم العيال ولا مريّحة البال؟ ) الرد#41
تخيل لـو - الحلقة رقـم (2)
“أم العيال ولا مريّحة البال؟”
تخيل لو كنت رجال متزوج ولك ٧ سنوات وعندك ولد وبنت اعمارهم ٦ و ٤ سنوات
انت تحب عيالك جِدًا لكن زوجتك متعبتك في بعض الأمور وطلباتها واجد وتقصر بواجباتها 
حاولت تعدلها وتنصحها لكن مافي فايدة ولا قدرت عليها
ومع الأيام فكرت انك تتزوج على وحده ثانية بدون ماتدري زوجتك الاولى
وعلمت زوجتك الجديدة ان موضوع زواجكم يصير بالسِر
لحد ماتِلقى فرصة وتقدر تكلم زوجتك الأولى بإسلوب حِلو
وفعلا صار هالشيء ومع الأيام اتضح لك ان زوجتك الجديدة تختلف نهائيًا عن الأولى
هي افضل في الاخلاق والدين والتعامل وتهتم بالبيت وتعرف تطبخ وووو
وفعلا ارتحت معها وماقصرت عليك بشيء 
مرت الايام وزوجتك الاولى شكت في تصرفاتك لانك صرت تتأخر برا كثير وتكلم بالجوال وأنت مقفل باب الغرفة
لذلك كلفت اخوها اللي في الجامعة يراقبك وفعلا اكتشفوا موضوع زواجك ووقتها انهبلت الحرمة واخذت عيالها وطلعت من البيت
وحلفت عليك مالها رجعه الا لما تطلق حرمتك الجديدة
الآن حرمتك تركتك وراحت لبيت اهلها من شهر
وانت بين نارين ودك ترجع حرمتك الاولى علشان خاطر عيالك خصوصا انهم يقولون لك يابابا نبيك ترجع لنا انت وماما مع بعض
وفي نفس الوقت حرمتك الجديدة مالها ذنب علشان تطلقها : (
كيف راح تتصرف في هذه الحالة؟
بإنتظار تجاوبكم وخيالكم الخصَب 
|
|
التعديل الأخير تم بواسطة عبدالله الشّلاحي ; 2016- 2- 21 الساعة 02:49 AM
|
|
|
|