المشاركة الأصلية كتبت بواسطة Perf Manal تخيل لـو - الحلقة رقـم (3) "هبوط انتحاري" السلام عليكم ورحمة الله وبركاته طبعاً مثل ما تعرفون جميعاً الحلقات السابقة كانت مواضيعها ذات طابع اجتماعي جاد وفي هذا الأسبوع حبّينا نغير شوي ونخلي خيالكم يدخلكم أجواء " الأكشن والمغامرات " هالمرة أبي كل واحد يتخيل لو كان متزوج قبل عدة أيام وحالياً هو وزوجته على متن طائرة متجة لإحدى دول شرق آسيا لقضاء شهر العسل وفي منتصف الرحلة حدث خلل خطير في الطائرة صعب إصلاحه ولازم على قائدها يهبط فيها لكن للأسف ما فيه حوالينه مكان مناسب تماماً للهبوط وبسبب هالمشكلة خرج عليكم الكابتن وطلب من الجميع إلتزام الصمت ووضح لكم الوضع اللي صار وإن حياة الجميع في خطر وما في يده إلا (3) حلول يقدر كل راكب يختار أي واحد منها على أمل أن يكتب له حياة: الحل الأول: الطائرة الآن فوق منطقة جبلية خطيرة وبعد خمس دقائق راح تمر فوق منطقة بحرية ويقدر الراكب يهبط عليها بالباراشوت ونسبة هبوطه بسلام (95٪) وبعدها ممكن يسبح لليابسة الي تبعد عنه قرابة (400) متر ووقتها راح ينجو بنفسه.. لكن المشكلة إن البحر فيه بعض الأسماك المفترسة اللي ممكن تهاجمه. الحل الثاني: الطائرة راح تمر بعد عشر دقائق فوق غابة وممكن يهبط الراكب فيها بالباراشوت ونسبة هبوطه بسلام (60٪) لكن قد يتعرض لبعض الأصابات والكسور في حال ارتطامه بالأشجار الموجودة بالغابة. الحل الثالث: إنك تنتظر في الطائرة مع الكابتن لأن عنده أمل أخير وهو إن المساعد الفني يقدر يصلح هالخلل قبل انفجار الطائرة... لكن نسبة نجاحه في هذا الشيء ما يتجاوز (30٪). طبعاً قبل ما تتخذ أي قرار لازم تعرف التالي: - أنت تعرف تسبح لكن زوجتك ما تعرف . - أكثر الركاب أختاروا الحل الثاني . - زوجتك خوافة وتفضل الحل الثالث . - وللبنات زوجك يفضّل الحل الأول تخيّل لو .. كنتو بهذا الموقف وعطونا افكاركم العجيبة

منال ويش ذا
كل خيار اصعب من الثاني
أنا الطيارة بكبرها يجيني منها رعب
ولا بعد يجينا الطيار ويقول هالحكي
اذا ما توقف قلبي من الخرعة

ممكن أنزل في الغابه
و زوجي اتوقع بينزل معي
أما البحر لا يمكن
ما أعرف أسبح وكمان فيه سمك كرش هذا الموت بعينه

وشكرا يا عسل على الدعوة