ملتقى طلاب وطالبات جامعة الملك فيصل,جامعة الدمام - عرض مشاركة واحدة - ‌‌‌‌‌ ‌ ‌ ‌‌‌‌‌ ‌‌‌‌‌ ‌ ‌‌‌‌ ‌‌ من الظلمآت الى " النور !

ريمنقو · 2016- 2- 24

مشاركه للذكرى ..

كتبت بيتين عن العتبآن واطقطق في هذا الموضوع :http://www.ckfu.org/vb/t282428.html

فقلت :

اقتباس:

الطيب والصدق فالعتبان
في طيبهم من يجاريهم

أقولها ولاني بغلطان
ياسعد منهو يخاويهم

فجاني الرد مطفي النور وكأن صاحب الرد ضاق صدره من كلمه [ طقطقه ]
الله يذكره بالخير

هذا رده علي :

اقتباس:

سلام ساخن لكم ياخوان
والطقطقه ماندانيها
ان كان شاعر ولك عنوان
جتك الرسايل ونهديها
ترى عتيبة عظيمة شان
واحرص تحاول تحديها
المدح من ماضي الأزمان
وارجع لتاريخ ماضيها
لكن تعوذ من الشيطان
والنفس لازم تهديها

استقعد عتريس وجاه الرد اللي يضيع العلووم
فقلت :

اقتباس:

شاعر مخضرم فصيح لسان
وجزل القصايد اجاريها

أحكم بيوتي وأجر الحان
ولاني اجهل معانيها

آليا مدحت أمدح العتبان
قبيلتن افتخر فيها

فعولهم ترجح الميزان
ولاتختلف في مباديها

والصدق يامعرب الجدان
خصله علينا نبديها

ياخوي خلك وسيع بطان
وحدودي ماني معديها

مانت بمركز وشوفك شان
بعتم الليالي ومساريها

اعجبني ذكائه فهم قصدي في البيت الاخير

فرد علي بهذا الرد , خلاص ماعاد يقدر يقول شي حجرت له

اقتباس:

سميت بسم الله الرحمن
على القصيدة وراعيها
حييت ياشاعر العتبان
انا افتخربك وثنيها
ماهي غريبة على الفنان
اللي يخفي معانيها
الله يحفظك من الشيطان
ذي دعوتي والك بهديها

وهو شاعر ولاعليه الكلام ماشاء الله ..
آحب اجواء المحاورات , خصوصا الجو الفكاهي لكن منقرض هالايام