|
الحمدلله اليوم إستلمت الوثيقة ولكن!!!
السلام عليكم ورحمة الله وبركاتة
اسعد الله أيامكم بكل خير أحبتي في الله
اليوم إستلمت وثيقتي ولله الحمد.
كان موعدي من 10-11
وصلت القاعة الساعة 8 من الحماس
حضروا الموظفين وأستلمت وثيقتي لكن بوجود حرف ناقص في أسم العائلة كاتبين الدوسر قلت لهم لا يمتكن فيها قبايل لازم تضيفون حرف الياء ، قالو أجل روح لإدارة القبول والتسجيل وراح يعدلوها.
رحت وقالي الموظف أنتظر ساعة وراح نعدل لك الوثيقة، جلست العب كاندي كراش ليمن خلصت الوثيقة
رجعت مره ثانية ورحت كلية الاداب وصورت الوثيقة والسجل الاكاديمي 4 صور ورجعت للقاعة وختم الصور طبق الاصل.
لأن حدهم يختمون على 4 صور بس مو 10 مثل ما سمعنا.
بعد ماختمت الصور رجعت لكلية الاداب وقلت له صورلي 3 نسخ قالي مش انت لسه مصور قلت صور ياباشا
رجعت للموظف عشان يختمهم وكفشني وقالي تو خاتملك سويت نفسي الظريف المسكين اللي ماديري لكن بيض الله وجهه وحرمها عن النار قالي ابشر وهو يضحك وختم لي الصور.
الفال للباقين يستلمون وثايقهم لكن تأكدوا منها قبل لا تطلعون من الجامعة.
وسلامتكم
والله يوفقكم ويرعاكم بعينه التي لا تنام
التعديل الأخير تم بواسطة ابومحمدالودعاني ; 2016- 2- 25 الساعة 01:15 PM
|