المشاركة الأصلية كتبت بواسطة ريمنقو

ومن هنا ابدأ في طرح التساؤلات..

هل الصداقة عن طريق النت حقيقة أم مضيعة للوقت؟
احيانا تكون حقيقيه وأفضل بكثير من الواقع
ما هو رأيك بتكوين الصداقات عن طريق النت؟
عادي لكن صعبه نوعا ما فانتي ماتعرفين طبيعتها ولاشخصيتها ولاصدقها
فالأيام اما تثبت لك بأنها تستحق الصداقه او لا
هل سبق وكونت صداقة؟
آي يازول
إذا سبق وكونت صداقة هل ما زالت مستمرة أو لا؟
آي يازول بتصك 10سنين لكن ماعادت مثل قبل
كيف تثق في الشخص الذي تتحدث معه؟
اللي يثق فيني اثق فيه مع الايام وخصوصياتي بالتدريج يغوص فيها هههههههههههه
واللي يعرفني يعرف حجم التعب اللي اسببه له بسبب غموضي ..

حنا اكلنا مقالب لين اتخمنا ..
كل ماقلنا هذا الكفو طلع ردي ولابه خير ، وصارت الثقه صعب الواحد يحصل عليها
ما هي سلبيات تلك الصداقة وإيجابياتها؟
اعتقد كثرة سوء الفهم لاختلاف الطرفين بالشخصيه والطباع
ما هو الأكثر الإيجابيات أم السلبيات؟
ايجابيات وسلبيات
هل هناك فرق بين الحب عن طريق شبكة الانترنت. وبين الصداقة عن طريق النت ؟
الحب يعني اني اكوّن صداقه وحب مع الجنس الاخر وهذا يستحيل
وأي وحده غارقه بالحب اقول ركزي الله يصلح قلبتس
جعلتس اللي مانيب قايله
نظرتي لهذا الامر ان الدعوه كلها طقطقه ع البنت اذا طفش منها تركها والمسكينه تقعد تبتسي

اما الصداقه فهي من نفس جنسك .. اخوه وعلوم طيبه والشعير بخير


هل هذا النوع من الصداقة حقيقي او مجرد عبث وتسلية ؟

بحكم اني اجتماعيه انا جربت الاثنين
تعرفت ع بنات هدفهم تسليه ورديّات وماهم كفو لخوتي
وكونت صداقات مع بنات قلنا انهم كفو لكن خذلونا

وتستمر العلاقات ما تبت .. الحين فيه علاقه تحت الإنشاء




ماهي حدودها وكيف اثق بالطرف الاخر ؟

حدودها اسرارك الشخصيه لو تردّت فيك خويتك ماتمسكك بهذي الاسرار
الخاصه مره لايعرفها احد لأمن قريب ولا من بعيد لاصديقه واقعيه ولا افتراضيه ..
لان اغلبهن طبعهن شين ،، مير اشوى ربي فكني