2016- 2- 26
|
#8
|
|
مشرفة سابقة
|
رد: يكفي خشونه يالحريم
ما شاء الله فارس مشتط ! 
اقتباس:
طبعاً أنّا إنسان حيادي النظره قوي صراحه
|
ممتاز
اقتباس:
حريم هاليومين يسمعون بالرقه ويزعجونك بكلامهم وأحنا رقيقات ومدري وشو لكن في الحقيقه للأسف ماعندهم لا نعومه ولا رقّه
|
تعميم بعيد عن الحيادية
اقتباس:
يا أنّكم حريم تتسنعون وتصيرون كلّكم أنوثه ورقّه مثل ما نسمع عنكم في قصص زمان  والا لا تجلسون تهايطون عندنا هنا وتحطون لنا صور لحريم أجنبيات وحركات ياااي ولو نشوف أياديكم نلقاها خشنه
|
نصيحة فَضّة وتجرح ولاهي مقياس لأنوثة المرأة .. اللي تجيك ويدها خشنه تأكد انها تكرف بالمطبخ وبالبيت عشان ما يجي زوجها ينتقدها بوساخة بيتها .< إيجابية شوي .
اقتباس:
الصراحه أنا يحز في نفسي يوم أشوف حرمه تسيّر رجالها على كيفها، أحزن على هالشخص المسكين اللي يقاطع والدينه وأخوانه وأخواته والسبّه لأن زوجته ما تحبهم
|
من ردى الرجال .. حد قال له يقاطع اهله ؟ هي تكره اهله اوكِ مو مجبورة تحبهم لكن زوجها مو مجبور يمشي ورا كلامها الردى فيه مو فيها .. مافيه حرمة بالدنيا بتفرض امور على الرجال الا اذا هو عنده قابلية ان تنفرض عليه قرارت .
اقتباس:
أو نشوف زوج يطاوع زوجته في الصح والخطأ ويسجّل أملاكه بأسمها وهو مدربي رويسه وراها ولا يقول لها لا
|
وين الخطأ بالموضوع ؟ لو الوالد سجّل بيتكم بأسم الوالدة ما بتفرح لأمك ؟ منطقية شوي فارس !
اقتباس:
طبعاً ما أنكر أن الزوج رخمه في هالحاله ويتحمّل جزء كبير من المشكله
|
أحسنت
اقتباس:
والا يومنّه يعطي الحرمه وجه ويطاوعها من البدايه صاحي والا مجنون؟
|
الدنيا اخذ وعطاء .. يجربها تنفع للمشورة والا لا .. اي عطونا وجه واسمعوا كلامنا وخلونا نتناقش معكم ونتكلم مو شرط تاخذون بكلامنا لكن اسمعونا .. ترى يا فارس كثير من الرجال ما يسمع راي مرته ولا يناقشها ويعدم لغة الحوار بينه وبينها ويهدم بيته بسبب هالشيء اللي مستسخفه .. يشوف ان الحوار ماله داعي .. اذا ماكان فيه استشارة وحوار هذا زواج صوري وشكلي .
اقتباس:
المفروض الزوج يطاوع زوجته في أشياء تدخل العقل وفي الحد المعقول ماهوب كل ماقالت له شي قالها أبشري وتامرين أمر
|
اقتباس:
لكن لا تجيني أي وحده بعد اليوم وتقول أحنا يالحريم حبّوبات ونعّومات ورقيقات !
|
احنا يالحريم حبوبات ونعومات ورقيقات 
ونتوصل في نهاية هذا الموضوع ان مو كل من ينقرص يعمم على الكل والنصيحة تكون اهدا واعقل من كذا والكريكاتير فكاهي ترفيهي ساخر لا يضرب فيه مثل بالحاصل عندنا ما ابرّي الجميع .. لكن ما اعمم كلامك على كل الحريم وامسك العصا من الوسط وتشارك همومك وحياتك وقراراتك مع شريكة حياتك .. وتشاركي بهمومك وحياتك وقراراتك مع شريك حياتك .. كل منكم يكمل الثاني وبالتفاهم يسير المركب .
|
|
|
|
|
|