|
رد: من واقع تجربتك ::: عطوني رائكم
اقتباس:
المشاركة الأصلية كتبت بواسطة طموح شايب
وعليكم السلام ورحمة الله وبركاته
يا هلا ابو عبدالله
سؤالك الاول
يعتمد على طريقة مذاكرتك
اذا تقرا المحاضرة مرة وحدة ثم تنقطع عنها اسبوع وترجع لها اكيد بتنساها
سؤالك الثاني
يعتمد على نوع المادة (نظري او عملي)
ويعتمد على الوقت المخصص للمذاكرة في اليوم
طريقتي من عدة خطوات
الخطوة الاولى
انقل محتوى المادة x كامل في ملف وورد (اذا ما لقيته جاهز) وأرتبه وانسقه تنسيق خفيف
الخطوة الثانية
امسك المادة x واشغل محاضراتها واتابعها بشكل سريع ومطامر وفي نفس الوقت يكون تبويب الاسئلة السابقة قدامي
واقارن بين المحتوى والاسئلة
اذا لقيت الاسئلة ما تعتمد على شرح الدكتور خلاص اترك متابعة المحاضرات واركز ع المحتوى
الخطوة الثالثة
احذف من ملف الوورد الكلام اللي ماله داعي وأظلل النقاط اللي اشوفها مهمة
الثلاث مراحل أعلاه عبارة عن مراحل تجهيز
واذا انتهيت من التجهيز ابدأ اذاكر من الملف واختصر بعض الجمل بحيث تكون قصير ومركزة يسهل حفظها وفهمها
خطوة اضافية في بعض المواد
كلمات مفتاحية
مثلا أربط اسماء العلماء بأفكارهم بحيث اخذ نصف اسم العالم مع نصف نظريته او اختراعه او فكرته
تطلع معي كلمة ارددها وانا ماشي في السيارة
الكلمات المفتاحية ممكن تسخدمها في الاشياء المتشابهة مثل التعاريف او الخصائص او غيرها
يعني بين قوسين لازم تتعب اسبوع او اسبوعين في تجهيز ملفات المذاكرة لعدد 6 مواد
واذا سويت هالطريقة وجهزت ملفاتك وبدأت مذاكرة فعلية راح تشوف ان كثير من المعلومات مرت عليك
ومع تكرار القراءة تشوف الفرق
نقطة اخيرة
لا تذاكر اكثر من 3 محاضرات لنفس المادة في اليوم (مذاكرة فعلية بعد تجهيز الملفات)
ممكن تاخذ في اليوم محاضرة لكل مادة
يعني في اسبوعين تختم جميع المواد
وترجع تكرر وتعيد وهكذا
وبالتوفيق |
ماشاء الله تبارك الله عليك يابوياسر ... الحقيقة منهجك وطريقتك المفروض تدرس 
وربي يوفقك ويجزاك عنا كل خير
|