احب اضيف نقطة هنا بخصوص فوز الاتحاد على الزعيم
بيتوركا قراء خطة دونيس كويس وعرف مفاتيح اللعب وقفل عليها نهائيا
قفل على ياسر الشهراني بالمولد الي هم يعتبرون نفس السرعة وحد من خطورة الشهراني وانا صراحة اول مره اشوف الشهراني مايعكس كرات عرضية والاغلب انها توجيها المدرب
بعد ماجانا الهدف اعطى الفرصة للهلال بالهجوم وكان صانع اللعب الشلهوب وبيتوركا قفل عليه بمونتاري وسالم ماعندك احد وسلمان جالس يفحط خمسات بنص الملعب لحاله
يعني المكان الوحيد الي كنا شغالين صح عليه عن طريق الزوري والي نجم في هذي المباراة كعادته وماقصر
اذا خطوط الهجوم ومن يصنع الهجمة مقفل عليهم كيف بتوصل الكرات للمهاجمين مالك الا الدفاع وكرات طويلة وهذا الي سواها الهلال بس بدون تركيز كواك وجحفلي مو راعين صناعة لعب
دونيس هنا كان المفروض عليه يغير من خطته بس كل ماجاء بيغير الخطة جاه لاعب يعميها يعني جاه تغيير اجباري الي هو عطيف
وبعده هل يغير سالم ولا الشلهوب وينزل درويش احتار بين الاثنين
ولا ينزل كريري مع سلمان ويسحب سالم ولا الشلهوب
اللعيبة ما خدمة المدرب مرة تجيك خطاء من سالم وتمريراته الي تكسر ظهرنا ولما تقرر تغيره تجيك طامة اكبر من سلمان وتخميسه داخل الملعب وتنقطع منه وتصير هجمة مرتده منظمة
الحمد لله على ماكتبه الله وقدر الله وماشاء فعل
خيرها بغيرها يازعماء والباقي اجمل ان شاء الله