اول شي لازم تعرفين تقسيم الدرجات قبل تذاكرين بعدين تقررين المذاكرة
التقسيم هو كالاتي:
10 درجات للمناقشات اللي في النظام وهي عبارة عن 14 مناقشة نفس عدد المحاضرات
10 درجات للواجبات وتوزيعها 3 درجات للاختبار الاول. 3 درجات للاختبار الثاني. 4 درجات للاختبار الثالث
10 درجات لحضور المحاضرات المباشرة وراح يعلنها كل دكتور
70 درجة للاختبار النهائي
________________
المجموع 100%
اللي بيدك من هالـ 100% ومضمونه ان شاء الله هي 30%
طيب الحين نبدا بطريقة المذاكرة
المذاكرة بتكون حسب طموحك تبين تاخذين الدرجة كاملة ذاكري المحاضرات من الجلدة للجلدة ودققي بكل شي
تبين نتيجة حلوه وغالبا بتكون حول الثمانين وفوق
راجعي الملخصات اللي هنا بالمنتدي ولا تتوقعين ان البحث عن الملخصات سهل ابحثي قبل تسالين لان اللي بالساهل بيطير بالساهل واللي بالمنتدى متعاونين وما يقصرون اذا سالتيهم
وبنفس الوقت حلي الكوزات اللي منزلينها بالموقع
هذا رابط لجميع الكوزات اللي منزلينها بالموقع
http://www.ckfu.org/vb/quiz.php
اذا دخلتي عليه شوفي على يسارك فيه خيارات للفلتره اختاري اضغطي على القسم واختاري المستوى الاول وبيعطيك جميع كوازات المستوى الاول وامشي.
وبالتوفيق ان شاء الله