هلا ابو عبدالله ماشاء الله عليك متحمس واحنا لسة بطاريتنا فاضية
انا مالي طريقة محددة حسب المادة والوقت والظروف بس بشكل عام اذا في مادة عملي
أذاكرها اول شي لأنه العملي ماتنساه بسهولة لأنه فهم ومجرد مراجعة تتذكر الخطوات بسرعة
بعكس النظري اذا ذاكرته بدري يجي الاختبار وكانه مامر عليك
بس افضل طريقة نفعت معاية هي انك تشاهد المحاضرة المسجلة اذا كان الدكتور متمكن من المادة
وشرحه ممتاز وبعد كل محاضرة مباشرة احل جميع الكويزات اللي تخص المحاضرة نفسها بدي الطريقة تركز المعلومات والسؤال اللي مااعرفه ارجع للمحتوى واخطط عليه واذا كان الدكتور يقرأ طبعا مااضيع وقت أنا اقرأ المحتوى بتركيز مرة وحدة واروح احل الكويزات
صراحة طريقة فعالة جدا تختبر نفسك بعد كل محاضرة وانا نفعتني جدا في تذكر المعلومات وقت المراجعة
وطبعا اذا المادة غثيثة الله يعينني
ماراح امسكها الا قبل الاختبار لأنه مو ناقصني سدة نفس مرتين
وربي يوفقكم جميعا ويعدي الترم دا على خير
تمنياتي لكم بالتوفيق والنجاح في الدارين
