الموضوع
:
هل الغباء من مقومات الأنوثة؟
عرض مشاركة واحدة
2016- 3- 3
#
23
P e a c e
:: المراقب العام ::
الساحة العامة
الملف الشخصي:
رقم العضوية : 61596
تاريخ التسجيل: Mon Oct 2010
المشاركات: 11,931
الـجنــس : ذكــر
عدد الـنقـاط : 1520124
مؤشر المستوى:
1702
بيانات الطالب:
الكلية:
College of Arts
الدراسة:
انتساب
التخصص:
English
المستوى:
خريج جامعي
رد: هل الغباء من مقومات الأنوثة؟
اقتباس:
المشاركة الأصلية كتبت بواسطة N0000N
هلا فيك أخوي
رضوان
الله يرضى علينا وعليك
وأنا أقول معرف رضوان وين أختفى !!؟؟
بطلت أشوف منه تقييمات مثل قبل
المهم ياغالي
تفضل هاذي وجهة نظري بالموضوع
غالبية الرجال وكاتب هاذي السطور مهو بعيد عنهم
ما يعجبهم العجب ولا الصيام في رجب
يعني
المشهد الأول
لو الزوجة على قولتك أنيقة وجالسة بإعتدال وتضغ نظارة وتقرا كتاب علمي
والغداء جاهز ( سارقه الوصفه من اليوتيوب )
والطبخة أورقانيك
حبتين جزر وشوي باركولي وتوست بر وصحن فواكه جنبهم
بيقول الرجال
وش هالنفسية إللي الله أبلشني فيها
حشى والله لو أني متنوم بمستشفى
كان اعطوني أكل أحسن منه ( الحمد لله على النعمه )
وبعدين وش هاللوك ( كتاب ونظارات ولبس مدري وش يبي )
أنا داخل بيتي ولا داخل على مديرة ثانوية بنات
المشهد الثاني
الزوجة جالسة على الأرض, رافعة رجلها على الكنبة, ومركزة
ومطلعة لسانها وقاعدة تضبط في زخرفة المناكير, الغداء جاهز, كبسة لحم دسمة جدا
من اللي يحبها قلبك
بيقول الرجال
حشى مو بيت
هذا مشروع تسمين بقر
كل يوم كبسة كبسة كبسة
وش هالزوجة إللي نشبت فيها
لا وكل ما دخلت عليها إلا وهي مرفعه هالرجول على الكنب
وشغاله مانكير وباديكير
وأخرتها جلابية لونها عنابي غامق فيها بقع بيج من الكلوركس
شاريتها يوم راحت مع خواتها من أسواق الهرم
وشباصه تغير لونها من كثر ما تلبسها
نجي لذكاء المرأة وهل يجذب الرجل
الرجل عادة يجذبه كل شئ في المرأة إللي ما تعيش معه
وعذراً على هاذي الإجابة الصادمه
نعم
الرجل تجده يمتدح ذكاء أخته زوجة فلان
أو بنت عمه أو بنت خاله أو زوجة صديقه أو زوجة قريبه
ويقول
ماشاء الله تبارك الرحمان
والله الزوجه الذكيه السنعه
مدبره رجالها وبيتها وعيالها
ومنظمه أمورهم
لكن لو عاشت معه بالمواصفات هاذي
طلع فيها النوووون وما يعلمون من العيوب
أبسطها
أنها زوجة ملقوفه
تتدخل في شئونه وتحشر نفسها في كل شئ
مع أنها يمكن تحاول تسوي إللي كان يسميه عند غيرها
( تدبير وتنظيم وترتيب )
كلامي أعلاه
أكيد أعجب الزوجات و البنات وفلوها
لكن لا تروحون بعيد
أنتم بعد فيكم حقكم وينطبق عليكم نفس الكلام
وقت الملكه وأول فترات الزواج
الزوجة عندها زوجها أطخم واحد في الوجود
وياويل أحد يقول فيه شئ
حبيب القلب
وبعد فترة
تقول لنفسها
ياشين العجله
وتبدأ تستلمه حش عن صديقاتها
وش الله أنشبني وورطني في أبو عصاقيل هذا
ولا
غثني هالغثيث هو وكرشته ما همه إلا بطنه
ليتني قاعده عند أهلي
عايشه حياة ملوك
مع أنها كانت في بيت أهلها ما تفارق المطبخ والغساله
هاذي وجهة نظري بالموضوع وأكيد ما تعمم على الجميع
تقولون يانوووون طيب وش الحل ؟
أقول
أ
مسك مجنونك لا يجيك أجن منه
وارضى بما قسمه الله لك
وترى ليس كل ما يلمع ذهبا
شطحه
أخوي
أهلي كانوا يكلمونه وحنا مجتعين جمعه عائلية
يقولون له نبي نفرح فيك ونزوجك
وش رائك ؟ وش المواصفات إللي ودك نشوفها لك في زوجة المستقبل ؟
عدل جلسته وتنحنح
وقال
والله ما تهمني الشكليات كثير
بس أهم شئ عندي أنها تصلي
ما قدرت أمسك نفسي من الضحك
كلهم قاموا يناظرون فيني
وش عنده هذا يضحك !!!
قلت يأخي
تبي وحده أهم شئ تصلي
شئ طيب ومن حقك
بس أنت الله يهديك ما تركعها
وأهلي يطاردونك من غرفه لغرفة علشان تصلي
حسيت وده يصكني ببيالة الشاهي إللي قدامه
لو ما خوفه أني أرد على البياله بالأبريق إللي قدامي
مدري وش جابني لقسمكم هذا اليوم
مهي لي عادة
لكن
صباحكم فرفشه
المهلي ما يولي
هلا بالغالي خبير التكنولوجيا
مو بعد الإشراف يا نلتقي هنا أو في الأكاديمي
لا إنت لك جيات على العام ولا أنا لي شغل بقسمكم
فحكم علينا الزمن بالفراق
مداخلتك جميلة وأجمل ما فيها:
اقتباس:
أقول
أ
مسك مجنونك لا يجيك أجن منه
وارضى بما قسمه الله لك
وترى ليس كل ما يلمع ذهبا
الله يسعدك مشرفنا
وصباحك عسل يا غالي
P e a c e
مشاهدة ملفه الشخصي
البحث عن المشاركات التي كتبها P e a c e
بيانات الاتصال لـ »
P e a c e
بيانات الاتصال
لا توجد بيانات للاتصال
اخر مواضيع »
P e a c e
المواضيع
لا توجد مواضيع
الأوسمة والجوائز لـ »
P e a c e
الأوسمة والجوائز
لا توجد أوسمة
2016- 3- 3
