مادة نظرية الترجمة للدكتور أحمد حليمة
لا أخفيكم سرا ان المادة هذي خفت منها خوف مو طبيعي لما قرأت أنطباعات الطلبة وتوجيهات البعض الآخر
ندمت ندم شديد اني نزلت المادة وأول مرة يجيني هذا الخوف والتوتر الزائد عن حده
ومن شدة الخوف ماعرفت اذاكر المادة جلست تقريبا في المحاضرة الأولى أسبوع
حاولت ماقدرت ولا أدري أيش أذاكر أصلا قلت بأجلس على كل محاضرة أسبوع خلص الترم وانا مافكرت أخلص
قفلتها وأخذت غيرها
يالله في الأخير عرفت وش السالفة او حتى بعضا منها بعد ماكنت بأجيب العيد
المادة صعوبتها في أسلوب دكتورها في بعض أسئلته فقط وطريقة صياغته لها
أنصح اللي بيذاكر هالمادة
اولا عدم الخوف الشديد
ثانيا ذاكروا السبع محاضرات الأخيرة أول شي
وأفضل شي تذاكروها مع شرح ابو الحارث في منتديات أنتساب ماقصر جزاه الله خير
ثم أرجعوا للسبع المحاضرات الأولى وأسئلة الأعوام السابقة فيها أشياء كثيرة عادية وتتذاكر عادي جدا
في سلسلة فريق الأبداع مذكرة لأكرام تحوي التعريفات وأسئلة المراجعة وأسئلة الأعوام السابقة مترجمة
ذاكروها وتعرفوا على طريقة الدكتور في صياغة الأسئلة وبعدها ذاكروا المحتوى
المادة مو ذيك الصعوبة اللي تتخيلوها مادة عادية جدا ذاكروا التعاريف زين وأفهموها ذاكروها بدري فيها أشياء سهلة كثير يمكن اللي مسوي قلق في السالفة ان الدكتور ممكن يغير مكان الفراغ في التعريف يعني بدل مايجيبه في الأول مثل العام الماضي لا المرة هذي يجيبه في الأخير
او يلف ويدور في السؤال شوي لكن اللي مذاكر يعرف يجاوب بسهولة
هذا كل اللي قدرت عليه وتذكرته
أسئل الله ان يسهل عليكم مذاكرتها وأختبارها وأن يرزقكم الدرجات العالية فيها وفي كل المواد
وبالتوفيق يارب للجميع وفالكم الفل مارك يارب