السلام عليكم و رحمه الله و بركاته
الف الف مبروك التخرج للجميع
أبشركم يوم السبت الماضي وصلت الوثيقه حقتي
و يوم الاثنين الماضي رحت لهيئة التخصصات الطبيه
و قلت لهم أنا خريج علم اجتماع و ابغي أصنف الشهادة
و عطوني خطاب باسمي موجه ل إدارة البتعاث و التدريب الصحي
و رحت لهم و سالوني وين تبغي تتدرب و حددت المستشفي الي ابغي أتدرب فيه
و عطوني خطاب موجهة للمستشفي الي ابغي أتدرب فيه
الخطاب ينص ع هل فيه إمكانية تدريب الطالب ام لا
و طبعن ولله الحمد المستشفي وافق في تدريبي
و أخذت خطاب الموافقة و رحت ل إدارة التدريب و البتعاث
و اعطيتهم الموافقة و عطوني خطاب لشؤون الصحيه قسم المالية و قالو رح سدد و بعد ما تسدد المبلغ 3000 ريال
طبعن ايداع مو تسديد المهم رحت البنك و سويت ايداع لهم و بعدها أخذت الإيصال و رحت لقسم المالية
و المالية عطوني إيصال باستلام المبلغ
و بعدها رحت ل إدارة التدريب و البتعاث
و عطيتهم صورة من الإيصال و عطوني خطاب لموجة للمستشفي بتدريب الشخص 3 شهور
و عطوني ورقه تقييم المتدرب مع الخطاب حق التدريب و خطاب هيئة التخصصات
و رحت المستشفي و أبشركم الحين أداوم معاهم كل يوم صباح
و بنسبه ل شهادة cpr ما احد طلبها مني
و شهادة cpr أنا اخذتها بعد الحج
طبعن دورة cpr مدتها يوم واحد و فيها اختبار و بعد الاختبار تحصل ع الشهادة كلها يوم واحد
و الله ولي التوفيق
بعد ثلاث أشهر ان شالله اقولكم الخطوات الي تصير معاية بعد التدريب
طبعن أنا من المدينة المنورة
و الله يوفق الجميع