مايملي عيون الرجال من الرجال الا الزحول
ابصم عليها بالعشر عن اقتناع وتجربه
واصدق احاديث الزمان تقولها كبارالفعول
ماهو حديث الالسنه لو وثقتها المكتبه
والمدح لامن قيل في رجل يقول ولا يطول
كنه مسبه والطريقه راقيه ومهذبه
والقلب ضحكة صبح مترامي وبالحزن ومغسول
تجمع الاضداد في صورة جمال مرتبه
والشعر فارس حلم والفكره حياويه بتول
انا الذي يرسم تفاصيل الزفاف ويكتبه
ماجيت اروج للهزل وحاور كفوف الخبول
من باب كسب اعجاب ساذج ومن سذاجة معجبه
ولاجيت اقول ان التكبر شرط تبريير الوصول
دام الوصول احيان مايحتاج شعر و موهبه
لا والله الا جيت ابنشر فكر واخاطب عقول
لو كثر اكثرهم نمط تواجدي مايعجبه
يكفيني اعجابي بذاتي روح وافكار وميول
و تفاخري لامن لقيت بيني وبيني شبه
مانيب منافس غير انا واحساس في صدري يجول
احيان اقوله واكتبه واحيان يكفي واشطبه
للشاعر محمد جارالله السهلي