|
~|| جيت قبل العطر يبرد ||~ ( بخصوص المذاكره شيء مهم لتاريخ الخليج العربي ) ••
.
.
.
مساء الورد و الُفل
وحشني الملتقى والله بس ظروف سفر وعمل خاص تشغل الواحد
الله لا يشغلنا الا بطاعته 
مدري احس باقي وقت قليل ع الاختبارات
واحس الايام تركض ركض 
والله بجد 
ان شاء الله انزل جدولي بموضوع صمت لانه موضوع يخص المذاكره
بس حبيت اقول شي مهم بموضوع لحاله ، ولإن م اتمنى هالشيء
يحصل في احد فيكم
طبعا كلكم شفتوا انطباع الدفعه الي قبلنا عن ماده تاريخ الخليج العربي 
وبعضكم اجلها خوفاً ،، وبعطيكم رايي الشخصي دام تقولوا لي الدافوره
احيانا الانسان لو كان ياكل الكتاب اكل وعرف اسلوب الدكتور
تقل مذاكرته او نقول يذاكر لكن مو بتركيز دقيق مو باهتمام وهوامش واسئلة
كيف ذاكرت الخليج العربي ..!؟ < انا اخذتها السمستر الي فات
حبيت الماده لانها من التاريخ صحيح الي حسيته عله هي التواريخ
شفت اسئله السمسترات الي فاتت كلها مكرره ..!
وذاكرت الماده بيومين وما راجعتها وقت مراجعه المواد قلت اوفر يوم واراجع نظريه المعرفه 
حتى بيوم الي بكره اختبار الماده راجعتها ، قلت بس هذا الدكتور بيكرر
اختبرنا حضاره وكرر ، و بس امسك الاسئله
اول ماده اذاكر اسئلتها من قلب هي تاريخ والله
و خلصت اسئله قلت ارجع اذاكر الملزمه وقريتها ، صباح الاختبار
مسكت اول م صحيت الملزمه خلصتها ، تسليت شوي و بعدها مسكت الاسئله
تقريبا كانت خمس سمسترات ذاكرتها زي اسمي .gif "(177)")
و قبل الاختبار ذاكرتها < اجي للقاعه قبلها بساعه وكانت كلها اذاكر اسئله
الاعوام ؛ المراجعه ،و الواجب 
اول ماده تمر علي اهتم كثير في الاسئله من اول سمستر
الملزمه هي مذاكرتي ومراجعتي فقط والاسئله قراءه لكن غلطتي هنا
اعطيت هالماده 80٪ مذاكره الاسئلة والباقي ملزمه ..
لو كان العكس والله بتكون زي العاده A+ )
وجاء وقت دخول القاعه ومبسوطه مره لان الاختبار بيكون سهل ومكرر
اول مره انبسط اني ذاكرت الاسئلة بعمق واجرب شعور الي يروحون للاختبار ويقولوا
بس ذاكرنا الاسئلة و وضعنا تمام عال العال 
شعور عساني ما اجربه ثاني ههههههههههههههههه
نفس عميق واكتب اسمي وبياناتي واقول بخلص بخمس دقائق
وكنت كاشخه ذاك اليوم ومو لامه شعري 
فتحت اول صفحه وتبقق عيوني له له شو هاد
مو مكرر قلت اكيد مغير شوي 
واكمل واحل والا كلشي مغير ، حسيت بجد اني مو مذاكره الماده
بديت اسمي ، وبدات احل سؤال سؤال بالتذكر اتذكر كيف كانت باي استعمار
الي تلخبطت فيها التواريخ و الاسامي جاب لنا كثير وتلخبطت فيها
وكذا سؤال .. قمت احل وتنحت باكثر من سؤال و نزلت قبعتي ولميت شعري المراقبه
تقول شكلها قفلت معك هههههه شايفه اغلب الملامح معصبين ومتكدرين
.
.
الذنب الوحيد والعتب هو علي انا ، جلست اهاوش نفسي انا كيف بس
اعتمد اعتماد كثير ع الاسئلة بس ، من اول سمستر البنات يقولوا
اعتمدي ع الاسئله واشوفهم بس يذاكروها هي وكنت وربي جوابي كل مره يكرر
اكيد هالمره مرح يكرر ..!! لان اخاف اجيب العيد 
لكن بس وقت هالماده قلت لا بيكرر ومبسوطه حضرتي
صحيح عصبت وقتها وانفعلت بس يحق للدكتور ما يكرر بس م يحق لي
اهمل مذاكرتي ..
و نصيحه اعتمادكم على الله ثم مذاكرتكم من الملزمه فقط ذاكروها زين زين
والاسئله خلوها كمراجعه فقط ، ومراجعتكم قبل الاختبار تكون من الملزمه بس
لا تقولوا لا نعرف اسلوب الدكتور دايم يكرر ..!
نفس م قلت انا لنفسي بتاريخ وما كرر و الاسئله حسيتها صعبه مره ..
طبعاً اكيد بعد ذا الكلام والفضفضه من قلب هههههه بتسألوا كم جابت شجون ..؟
طبعاً جبت B+
الحمد لله يا رب هذا بفضل ال 20٪ الي خليتها للملزمه
لو سحبت ع ملزمه كان محملتها الحين
لذلك لا تتهاونوا ابداً حتى لو مره في مذاكرتكم و دراستكم
وتإكدوا انكم المستفيدون من كل حرف تقرؤنه
و بالتوفيق للجميع يا رب 
|