اسعد الله صباحكم واشكرك منال على الدعوة اولا بحط نفسي ان زوجتي تعايرني باخوي الي هو عصبت راسي وسندي
بالاكيد بالاكيد اهلها مازوجوني اياها وشافو اني كفو اني اتزوجها الا بعد انهم مطلعين برنت كامل عني وعن اهلي كلهم واكيد عارفين عن اخوي معلومات كثيرة
لما زوجتي تعايرني باخوي بوقفها عند حدها بالمرة الاولى واذا حدث مرة ثانية راح يكون في قرصة اذن وشديدة اما اذا تمادت في كلامها فما راح ارضى باي احد يتكلم عن اخوي او احد من اهلي بكلمة والي مو متحمل عم عيالي ماراح اتحمل اعيش معاه
اشتري اخوي وابيع غيره
اما الزوجة فعليها منع زوجها عن انه يتكلم عن اخوها بكلمة هذا اخوها وسندها بعد الله وتناصحة وتقولة انه يبطل عن العياب علشان ماربي يبليه بعياله او احد اخوانه ( والي يمكن في احد من اخوانه هذا العيب )
وتصبر عليه اما اذا تمادى وما استحى على وجهه وقدر ان هذا الي يعاره هو خال عياله فبلاها عيشة مع واحد مايستحي وتروح عند اهلها احسن
واكيد الزوج قبل ما يطق بيت الناس علشان يخطب اكيد مطلع برنت كامل عن البنت واهل البنت ... ابوها وامها واخوانها وخواتها واكيد عارفهم كلهم وعارف مشاكلهم
بخصوص اني اخبر الاهل وهذا اكبر غلط
احاول قدر ما استطيع عدم التدخل في بيتي مهما كان الشخص الي بلجاء له
الا اذا خلاص تازمت الامور ومالها حل بين الزوج وزوجته
واذروني على الاطالة بس تحمست مع الموضوع