|
مو مساعدة مساعدات نبغى الفزعة بس
[align=center]السلام عليكم و رحمة الله وبركاته
عندي كم استفسار مثل كل البنات الجدد و شفت إنكم تردوا بسرعة و متعاونين ما شاء الله عليكم 
[rainbow]
أول شي أوضح ليكم أنا من القطيف خريجة السنة هذي المدرسة الثانوية الرابعة ( الله يرحم أيامها :088:) قسم أدبي و نسبتي 96.9 في التراكمي و في القدرات 94 و التحصيلي 89 و الحمد لله و سجلت كلية التربية أول رغبة لأن شهادتها قوية و الدراسة حلوة فيها و كل اللي أعرفهم متخرجين منها لقوا لهم وظائف[/rainbow]
1- بالنسبة لأول يوم في المدرسة وش الإجراءات اللي نسويها ؟ يعني بالنسبة للمقررات و الجداول و غيرها ؟؟
2- التخصص متى يحددوه لنا ؟ لأن هذا السؤال سألت كل اللي أعرفهم فوق الخمسين مرة و في كل مكان و لا حد جاوبني عليه !!!!
3- بالنسبة للبس و أنا ألف على المنتدى قالوا عادي التنورة أهم شي تكون تحت الكعب و اللون أسود أو أزرق ... لكن عندي وحدة متخرجة منها من كذا سنه قالت ممنوع الجينز فأبغى أتأكد ؟!!
4- ما هي التخصصات الأدبية و التخصصات العلمية في الكلية ؟ و المواد اللي ندرسها في كل تخصص إذا ما عليكم أمر ؟
5- صديقتي من علمي قبلوها في الدفعة الأولى معاي في الكلية .. لكن ما قدرت تسلم أوراقها في المدة المحددة .. ظروفها ما تساعدها .. سؤالي هو : وش تسوي الحين ؟ يعني ترجع تأكد طلبها مثلاً و إلا خلاص راحت عليها و إلا إيش ؟
6- هل فعلاً الكلية مبناها مثل الصور و إلا ؟؟ ... لأني بصراحة شفت الصور حسيت بالإحباط شوي .. لكن توكلت على الله و قلت بعدين إن صور مدرستنا في النت مو مثل الحقيقة .. فيمكن ما تكون الصور مثل الحقيقة ؟!!!
7- وين موقع الكلية ياريت توصفوها لي ؟
ماعليه تحملوا ... أدري الأسئلة كثيرة لكن و الله .....ما أدري كيف أوصف شعوري !!! مو خوف و لا إحباط و لا سعادة و لا و لا ... ما أدري كنت متحمسة حدي لكن فجأة راح الحماس .... ما أدري ليش !!:mh19:
 و مشكوووووووووووووووووووووووورييييييييييييين كلك[/align]م 
|