*
تؤمنون بالاحلام ؟ عمركم فسرتوا اي حلم حلمتوه ؟
انا جتني فترة مره اتابع برامج التفسير و مره كان الوضع يشدني لما تقعد تقول حلمها و يقعد يسألها اسئله و تقول اي صح فيني كذا او اكره كذا كيف عرف من الحلم ان فيها هالاشياء ؟
ماعلينا في احد الايام حلمت حلم فززني من نومتي شيء كان مره متعب لدرجة و انا في الحلم كنت اقرأ المعوذات صحيت من و انا ارددها صحيت من سريري عالارض واقفه من شدة الخوف و اناظر بالغرفه انا كنت احلم ذا بيتنا خفت ان الحلم حقيقه .. المهم ان الحلم فيه اشارات انا فهمتها و كنت اسولف لصديقتي و قلت اعلمها قالت صديق اخوي مفسر بخليه يفسرلك قلت اوك و فسره و جتني تعلمني .. تعرفون اللي بيقول لك خبر شين كان ميت لك احد كذا مهدت لي الموضوع هههههههههههههههههههههه لدرجة انا عشت الدور و علمتني قالت ذا سحر و اقري اذكارك و يقول دام قرت المعوذات يعني ذا تنبيه لها انها مقصره في تحصين نفسها .. ماش ما اقتنعت رحت سجلت في منتدى تفسير احلام و فسره لي نفس تفسير الاول انه سحر و ارقي نفسك و اقري اذكارك ..
انا مرضت زود من الهم من ذي اللي بتسحرني و ليه ما اذكر اني ضريت احد في الواقع لا نهبت احد و لا ظلمت احد و لا شيء و كنت ساكته ما علمت احد بعدين وصلت لدرجة ما عاد اتحمل لازم اعلم احد يفكر معي من اعدائي ع الاقل هههههههههههههه .. و اجمع امي و خواتي و اعلمهم كلهم حسوني استهبل يوم حلفت صدقوا و التحريص اقري البقره و اذكارك و و و قلت ابي تفكرون من ممكن يسويها ؟ كلهم ما قدروا يجيبون احد .. و ضاق صدري ذيك الفترة ما اعرف من ذا اللي يكرهني و هل سحرني و الا تو و وش نوع سحره و تطوعت الاذكار بوقتها و البقره كل يوم اسمعها و ما اسمع اغاني و لا اصرخ و احط مسك في كل ملابسي اذا نمت ههههههههههههههههههه وسوست رسمي المهم ذا السالفه من 2008 و للحين ما صار لي شي :)
الخلاصه ترى مو كل حلم رؤيا عيشوا حياتكم بس :) و لا تحاولون تفسرون احلامكم خلوها ان صدقت صدقت و ان كذبت دفعة بلاء :)
-