[align=center]
أبوصلك وأناجنبـك ولانـي قـادر أوصلـك
غريبـة كيـف نتلاقـى وأنـا ويـاك مفترقـيـن
أنـا صابـر ع بعضـك لكـن منتظر كـلـك
حسافة ضعت في بعضك ولا أدري منين اجيك
أجيك يمين رحت يسـار اجيـك يسـار وماأدلـك
أضيعك بين لحظاتـي ولحظاتـي تضيعـك بيـن
حنانك صوتك وطيفـك ولابعدهـم يجـي ظلـك
وأنا من ظلك أقرب لـك تخيـل صارلـك ظليـن
غرامك درس في عمري وتهت كثير أنـا بحلـك
ولا أدري منهجك يكفي اذا بدرسه عشـر سنيـن
تبي شاعر تبي مطرب تبـي ألحـان الحـن لـك
أنا راضي الحـن لـك أغانـي قلبـك المسكيـن
لأنك مختلف جدا"... ومافي مـن البشـر مثلـك
ابقارن فيك ويا الناس ..انـت ويـن وهمـا ويـن
واذا ترضـى على ذلـي..أنـا لايمـكـن أذلــك
ترا يا (فلان) لاتحاول معي تلعب علـى الحبليـن
انـا مانـي مثـل غيـري تعذبنـي وأصفق ـلـك
تبي تواجهني واجهني وسن بسـن وعيـن بعيـن
اجرحني وفارقني ترا احسن لـي وأحسـن لـك
خلني عاد لا تقرب وحتـى اذا بيننـا شبـرين
[/align]