ملتقى طلاب وطالبات جامعة الملك فيصل,جامعة الدمام - عرض مشاركة واحدة

ريمنقو · 2016- 3- 30

اقتباس:

المشاركة الأصلية كتبت بواسطة ام حنان

اعذروني على التطفل لكن رمينقو من الشخصيات الي نادره بزمن هذا وتجلب الفضول
رمينقو احساسي الاول عنها انها مو من بنات الجيل هذا من الجيل القديم
ثانياً الله يحفظج لشبابج ويلبسج ثوب الصحه والعافية
بين اخوانك وإخواتك مابه تطفل
-اسئلتي

-رمينقو تحكمين من وجهة نظر واحده بمعني تسمعين من طرف واحد وتحكمين او لازم الطرفين وهل صارت حكمتي من طرف واحد ؟
ماقد سمعت من طرف واحد لازم اسمع من الطرفين وان سمعت من طرف واحد أتجاهل الموضوع ..
ان كانت مشكله فمالها حل الى ان نسمع من الطرفين ثم ننهيها
غالبا هذي المواقف لازم نحط فيها بهارات ونكذب ع الطرفين علشان نصلح احوالهم
يارب يسامحني ياكم مره لعبت عليهم وصدقوني

-ماهي مشكلة رمينقو الحقيقية ؟ بمعني السبب الي يخلي رمينقو دائما تفهم غلط و تسبب لها مشاكل بعلاقاتها
ممكن العجله في الفهم ،،
لكن اذا فهمت غلط ما أجي باندفاع دائما اسال عن القصد الصحيح حتى اذا فاهمه غلط اصحح فهمي ..
فماتوصل الى مشكله

- اذا كان بينج وبين شخص عتب او شفتي شئ منه ضايقج تحبين تصارحينه او تسكتين ؟
اذا كان الامر بسيط اسكت مثل فعل او كلمه قالها بحسن نيه ولكن حزّت بخاطري هنا اسكت لانها بسيطه أنساها بعد دقايق
اما اذا الامر يستحق الكلام فيه اتكلم واعاتبه واصارحه بكل شي

- تحبين القراءه واذا تحبين شنو نوع الكتب اللي تقرينها ثانياً البرامج الي تابعينها بتلفزيون
ماكنت احب القراءه أبداً وكان ابوي يقول القراءه تزيد الشخص رفعه وتفتح مداركه و و و يعطيني ايجابيات القراءه فكنت اتغصب القراءه
الى ان صرت احب القراءه واذا ماقرأت شعرت بالنقص ..
اما نوعية الكتب اللي اقرأها منوعه فقد قرأت عن الفلك والكون والبراكين وقرأت عن المكشات
وعن الحيوانات والابل والثعابين
وكتب كثييييييره منوعه
لكن فالفتره الحاليّه تجذبني الكتب اللي عن الأديان وكتب التاريخ والحضارات

/

برامج التلفزيون قليل أشوفها لكن احب الأفلام الوثائقيه
اتابع برنامج عن اسرار الاهرامات ، مثلث برمودا ، برامج عن الحيتان وأسماك القرش
برامج عن الجرائم

- لاحظت ما شاء الله تكتبين الشعر هي موهبة او وراثة بالعائلة ثانياً مافكرتي تنشرين خارج اطار الملتقي
الثنتين .. اعتقد ان الوراثه مرتبطة بالموهبه
صعب ان اقول الشعر وراثه وانا ما املك موهبه

/

نشرت خارج الملتقى ولكن اللي اكتبه هنا ما اكتبه بغير هذا المكان
واللي انشره بغير هذا المكان ما اكتبه هنا

- امممممم هذا الي عندي وعطينا نصيحة اخيره وحده خاصة وثانيه عامة
الخاصه لاتهتمين لكلام الناس ، العامه عيشوا انتم انتم فلاتشغلون انفسكم بأي شي يعكر صفاوه اذهانكم وقلوبكم ، نظرتكم دائما للامام ..
لاترخون اذانكم ل قال فلان وفعل فلان
الله يعطيكم العافية

ويعطيج العافية رمينقو استمتعت بكتاباتج

الله يعافي قلبتس ..
استمتعت باسئلتك وبتواجدك معنا يام حنان اسعدتيني