المشاركة الأصلية كتبت بواسطة أريــــج ♡

^


وش دعوا تونا قايلين بسم الله ..
وراتس عجله

انتي صادزه ؟ كم باقي ع الاستضافه

المهم .. والله مابي الموضوع يخلص وانا ماخذيت قسمي منه

ها اسلمي

كم عمرك .. و وزنك ؟ > وفيه سؤال ثالث , نسيته وشهو يادارك ؟

عديت من العمر خمسه وثلاثين
والشيب خيّم والمنيّه قريبه

خطابه 2
مرتبطة ريحي مختس انتي وام شويشه
ماعندنا بنات للزواج




أفضل كتاب قرأتيه ..؟

غير القران
الكتب كثيره لازم ارجع لدرج الكتب واشوف الافضل
لكن في بالي الحين كتاب ( صور من حياه الصحابه ) رائع
( البدايه والنهايه ) قرأت منه مجلدين وان شاء الله بكمل بقيه المجلدات
كتاب ( أقوم قيلا ) طبعاً مع تحفظي ع بعض ماكتبه الاستاذ سلطان
كتاب ( تجربتي في ربع قرن ) انتهيت منه قبل فتره قصيره
وكتب كثيره والله جميله لكن ماتحضرني أسمائها

داعيه تحبين تسمعين له + شيخ يعجبك صوته ..؟

احب اسمع للمغامسي ، العريفي ، سعيد الكملي ، الشعراوي في التفسير ، وسيم يوسف
وعايض القرني والعوده شطحات ع حسب المزاج

،،

احاول دائماً ابتعد عن المشايخ اللي اصواتهم جميله لأن جمال الصوت يشغلني عن تدبر الآيات
فدائماً اسمع للشيخ ( بندر بليله ) صوته هادي ومتأني في القراءه ويمديني أتدبر الآيات واردد معه


وش أكثر شي ممكن يحز بـ خاطرك ؟

يحز بخاطري ان يفهمني الآخرين بشكل خاطئ
ويحز بخاطري التقليل من شأن مشاعري قبل اقول كلمه زينه أتعذب لين تطلع
فمثلا ( فقدتك ) كلمه عاديه وناس كثير سهل يقولونها انا عكسهم ماقدر افصح عن مافي قلبي الا بعد عناء
فيكون بعد هذا العناء ردة فعل لاتليق بهذا العناء
ويحز بخاطري الظن السيء بي

ويحز بخاطري ، اكمل ؟


موقف لن تنسينه ما حييتي ؟

طبعا مواقف ابوي مانساها ولكنها محزنه جدا فماحب ذكرها

فيه موقف قبل كم سنه
وانا بالكليه ما انسى البنت اللي ماعرف عنها سوى اسمها نصتني وتركت كل العالم وجات بحسره وتكلمني وهي تصارع عبراتها
وتترجاني وتستفزع بي ، فوعدتها بالخير وحلفت على نفسي بأني ماخيب كل من ظن اني اقدر أساعده
الامر ماكان هين ابدا ولكن هو على الله هين والحمدلله تيسرت أمورها
موقف هزني بجد

وموقف اخر

يوم كنت اطبق ، الله حط لي قبول في قلوب الطالبات فكانوا يجتمعون عندي واقعد اتكلم معهم
فمره وانا اتكلم فاجئتني طالبه بتقبيل رأسي ،، نسيت وش كنت اتكلم عنه الله يصلح قلبها
وفي اخر يوم وداعي طوابير للسلام ع سمو الأميره يبكون وحالتهم حاله بصراحه ماكنت اتوقع ردة فعلهم حتى المعلمات معهن
كان موقف مفرح ومحزن

موقف اخر كان نقطه تحول
رايحه للكليه وبقطع الشارع وكان الشارع زحمه سيارات فما كنت اشوف السيارات زين
فقطعت الشارع وقدامي سياره مغطيه ع السيارات اللي تجي من وراها
المهم اني اول ماتعديت هذي السياره ويجي باص مسرع لو مشيت خطوه وحده فرمني
من قرب الباص طاحت أغراضي وطارت عباتي من الهواء
وقفت وكنت في حاله ذعر من الموقف في غمضه عين بغيت اودّع ولكن اراد الله لي حياه جديده


وموقف طلق النار ع ابن خالتي وموقف ضياعي وانا افحط بالدباب وموقف الكف
تبين مواقف بعد ؟




تعلمتي عبري ولا باقي ؟
وش اللغات اللي حابه تتعلمينها ..؟

تعلمت عبري ومازلت اتعلم
تكفين لاتذكريني والله تسبدي منحمسه يوم عطتني بلوك هذا البلوك هو اللي خلاني اتعلم عبري

/

مافيه لغات ودي اتعلمها غير العبريه
و ودي اطور لغتي الانقليزيه اكثر هيا تعالي نرطن






اذا ضقتي .. وش يريحك ؟

غير الدعاء والصلاه
ع حسب اللي مضايقني ..
احيانا اذا ضقت افتح القران ألقى الاجابه الشافيه وارتاح
واحيانا اذا ضقت أجي اقولتس قصيده وارتاح
ولكن الغالب القران لاني اذا ضقت لا انا اللي اتكلم ولا انا اللي ابين شي
فاسكت واسمع بعض المقاطع

اذكر مره تضايقت من كلام الناس ضيقه شديده فشديت ع نفسي وكظمت غيظي
وفتحت القران عشوائي وانا بهذي الحاله المزريه

فكانت اول آيه اقرأها ( فلا يحزنك قولهم انا نعلم مايسرون ومايعلنون ) فصرت ثلج بعد ماكنت جمر



ليه كثير من البنات اذا تزوجت تتغير على الناس ؟
وتسحب على صديقاتها ممكن ..

عندك خلفيه .. عن وش يحسون فيه هالعاهات ؟

انتي صادزه ؟
مدري يمكن البلا في الصبغه الشقراء لزوم نمنعها من السعوديه

في اعتقادي أمرين
اما ان يكون زوجها هو السبب يمنعها ويقيدها لآتكلمين فلانه لاتروحين لاتسوين
او البنت ماتصدق حبت زوجها فيكون كل شي بحياتها وتسحب على العشره والرفقه

الحمدلله ماواجهت نفسيات مثل كذا

مممم كفايه مابي اكثر


ختاما ما اقول الا ..

الله يسعدك يا ذا البنيه قد ما احبك واكثر