المشاركة الأصلية كتبت بواسطة أريــــج ♡

والله ..؟ ابشري مير ب سعدتس ..

اذا تبين تكملين مواقفك اللي ماكملتيها كملي ..
وعطينا منها موقف محرج

ماصدقت

موقف محرج يالله والله اتمنى الارض تبلعني كل ماذكرته ..
من عادتي اهدي الشغالات
احيانا هدايا بمناسبات مثل الأعياد واحيانا بدون اي مناسبه
لهم ولعيالهم ..

عاد مره قلت للشغاله لاتروحين اليوم قبل ماتمريني بعطيك حاجه فهي متعوده عارفه
المهم بعد كم ساعه طلبت أغراض وعطيتها 500 قلت لها روحي حاسبي
وهي ماسمعتني او مدري وش قصتها تحسب 500 لها فرحت بها مرره قلت لها بكل قوه وجه روحي حاسبي
وراحت المسكينه وانا بكيت من الاحراج ورحت اسحب500 ثانيه علشان اعطيها
وفرحت نفس فرحتها الاوليه وانا الى الحين اتمنى الارض تبلعني كل ماذكرت الموقف
اهلي يقولون كان سكتي يوم فهمتك غلط وخليتيها تاخذها قلت لاتزيدوني خلاص عوضتها



قد طلعت عنك اشاعه .. او طلع كلام وانقال ان انتي راعيته ؟

اي وانا ياغافلين لكم الله


وش اكثر وقت تحبينه ؟ صبح ..ليل يعني تسذيا .. وليه

الصباح ، هدوء مزاج رايق .. وجيه سمحه


الترويقه بنظرك ؟

بالنتفه اللي عندي ، يامطوع لاتلوع
يسألني وش اجمل شي في حياتي ؟ اقول له ( انا ) واسأله وش اجمل شي في حياتي ويقول لي ( انا )
نستانس ع الشعور المتبادل



فيه شغله ببالك وجالسه تسعين لها ؟ غير العبري

اي وبحول الله وقوته وتوفيقه بحققها



تفضلين ..

البر ولا البحر ؟

الاثنين



قهوه .. شاهي ؟

ماش مانيب خويه المشروبات الساخنه

تطلعين .. ولا تجلسين ب البيت .؟

اجلس بالبيت
الطلعات اطلع لأي مكان ماعندي مشكله الا السوق لاتوديني له

انا ولا انا

انا


بما انك ماذكرتيي اسماء شعار من وقتنا الحالي

بسالك عن كذا واحد واعطيني رايك


حمد البريدي .. سعد علوش .. محمد بن الذيب

كلهم تعجبني بعض قصايدهم او بعض ابياتهم
احلى قصيده من أولها لآخرها اعجبتني لمحمد بن الذيب ( يامعدي )


وش رايك في ابو جركل

من ربعي واهلي


أريــــج ♡ .. لا شفتي ذا النك وش يجيك
طبعا غير السعاده والانشراح والانبساط والوناسه ههههههههههه

حرقآن

وبس .. اذا تبين زياده علميني

هاتي زياده
يابعد معزاا امي