2016- 3- 31
|
#3327
|
|
:: المشرفة العامة سابقاً ::
الأقسام العامة
|
رد: ♡ عسى العوض في مقبلات الليالي ♡
*,
تصدقون اللي فيني طلع كله توتر و ضغط نفسي !!!
كانت تقول الدكتوره انت بتفكري بايه اجاوبها ما افكر بشيء و انا صدق احس اني ما افكر بشيء بس اكتشفت ان كل وقتي تفكير و انا من النوع اللي اطنش اطنش و اضغط نفسي باخر دقايق و يزيد هالشيء من توتري مع اني طول فترة التطنيش مو مرتاحه لاني افكر متى بقوم انجز شغلي  بس ما اقوم الحاصل قالت لي حاولي تسترخين و تطبقين مهارة التأمل و التنفس العميق .. و انه هالشيء مفيدة و مفروض كل يوم الواحد يخصص له وقت يتأمل فيه اي شيء بس مو شيء حزين شيء يسعده يفرحه ..اما التنفس فبالبداية صعب تطبيقه انا احس انكتم اذا استنشقت الهوا بقوة طبعاً لاننا نتنفس غلط على قول الدكتور و بالبدايه راح تدوخون لان اجسامكم مو متعوده على هالكميه من الاكسجين .. المهم انا رحت اقرأ بقوقل و ابحث في هالتمارين حقت التأمل .. اولاً طلعت هالاشياء عند الهنود منتشره و لهم تكنيك لدرجة انهم وقت التأمل لازم يوصلون لمرحلة ينقطع نفسهم فيها متخيلين !! ما عاد يقدر يتنفس و هذه يسمونها انفصال الروح او مادري وش و يقولون وقت هالانقطاع تدخل فيك طاقة الكون و تسري في المسارات اللي بجسمك و تطهرها و و و و اللي ضحكني واحد اظن شامي كتب لهم في التعليقات انه ( يخرب بيتكن كنت راح اموت  )
شيء ثاني كل واحد تحدد المدة الزمنية للتأمل عنده بناءاً على عمره كل سنه من عمرك بدقيقه يعني عمرك 30 تتأمل 30 دقيقه يعني نص ساعه و هكذا ..
انا للامانه فادتني سالفة التنفس و التأمل عجزت اضبط خيالي دايم اروح لذكريات حزينه فبطلته + رجعت اكتب كتابة باليد في نوت خاص بي و ارسم فيه و اشخبط المهم احط حرتي ع الورق + الون الكتب ذي اللي طلعت في جرير حقت الاسترخاء و التركيز و السعاده و شيء رابع نسيته كان لها اثر جميل + و رجعت لهواية احبها و هي الطبخ + اسوي رياضه لو نص ساعه + اقرأ لو فصل واحد فقط
هذه تجربتي مع اني ما التزمت باللي انقال لي حرفياً لكن اي تغيير في الروتين له اثر عليك و على نفسيتك و عطاءك 
-
|
|
|
|
|
|