( علمتني ؟ )
علمتني وشلون أعزك وحقرك
وعلمتني معنى تِقلّاب المزاج
وعلمتني للغوص في عمق إبْحَرك
ونته مع أمواجه وصايبك ارتجاج
تجرح وتزعل كان محدٍ عبْرك
وخطاك ماتقبل عليه الاحتجاج
وعلمتني انك تبي مايشهرك
وهم شي يقال ياطلق الحجاج
تحلم بشي وكن حلمك يجبرك
بمور مالك في متابعها خراج
اركد وحلمك فسره في منبرك
لاتفسره برّا يطير مع العجاج
على غـرورك منْهُ اللي يشـكرك ؟
اجل عقول الناس سلعه من حراج
بتمـوت محـداً في غرورك قـدّرك
مدام تفكيرك ومشيك فـ إعْوِجاج
لاتحط سيفك بالحماقهـ فـ نحرك
الفـايته و المـوت مافيـها عـلاج
الحلم >حلم الصبر لوزاد سهرك
قاولو مابعد الصبر غير الانفراج
لاتقول جور الهم في صدري برك
وضـيّق على تفكيري السبل الفجاج
اركز على الخالق بسرك وجهرك
اللي يحليها ليا صارت هماج
وترى القناعهـ كنز لا يـزود كـدرك
خلك بوسط الناس عايش بندماج
وطلب من الخالق بستره يسترك
وضرب على النفس وهواها بالسياج
النفـس و الآمال للغافل شـرك
لادرجهن الشيطان شر الأدْراج
و تقبل الكلمه من اللي يصغرك
المعرفهـ إلـ من عطاهآ الله تاج
وأخذ النصيحه من صديقٍ يكبرك
ومن راعي الخبره بقدر الاحتياج
ون كـان ربـك للميسّـر يسّـرك
بدل همومك والعنى بالابتهاج
سـند فـرج الضبيطي