لو كل واحد منا بيمشي على هواه وما تشتهيه نفسه كان ما فكرنا نقدم علي الجامعة من الاصل
وكان قضينا وقتنا اكل و نوم وافلام ..
لكن الي عنده هدف يهون عليه كل شي وانتي لازم يكون عندك هدف مو ضروري يكون هدف خرافي
لكن على اقل تقدير يكون هدفك تتخرجين بمعدل كويس ..
و اعرفي ان كل ترم يروح يقربك من هالهدف اكثر من قبل ..
و الي نشوفه اليوم صعب بعد شوي بنعرف انه سهل بس احنا الي ما اعطينا كل شي حقه في وقتها
و جربي ارجعي لمواد المستويات الي قبل بتلقين ان كان عندك فرصه تجيبين درجات افضل بس ما اعطيتيها حقها بسبب الخوف او التسويف ..
فلا تكررين اغلاطك السابقة مهما كانت وانظري للمواد على انها خطوات لابد منها و انها مرحله وبتعدي و تنقلك معها لعالم احسن ..
وحاولي دايما تتخيلين نفسك اشتغلتي بهالشهاده وكيف ممكن كل ماده تطبقينها بشغلك
يعني اربطي المادة بأمور ملموسه ورح تسهل عليك وتحسينها ممتعه ومفيده فعلا
وبخصوص الدكاترة اعرفي ان الدكتور مو عدوك ولا حتى يعرفك او يعرف احد منا عشان يصعب عليه الاسئله
بس لكل شخص نظرته في الامور الي يراها محل التقيم
فأنتي حاولي مع كل محاضره تعرفين فكرتها العامه و اهم شي فيها ،، و بكذا مايضرك بإذن الله اي اسئله بيحطها
انتي قطعتي نصف المسافه ،، والي عدا الي قبل بيعدي الجاي توكلي على ربك و استمتعي بكل لحظه
وانتي تذاكرين .. لان مثل ماقلت لك هذي خطوات لحلم يستاهل التعب
والله يوفقك و يوفقنا جميعاً ..