المشاركة الأصلية كتبت بواسطة muniralbugmi

بقولك حكاية بسيطه ان شاء الله تستفيدين منها انا رسبت (سنه اولى ) في المعهد الملكي الصناعي بالرياض وكنت شبه مغترب اهلي كانوا في جده , المهم كان لي قريب يشجعني على الدراسه فلما رسبت ما صار يكلمني وصرت شخص عادي عنده وهو اعز الناس عندي بصراحه حسيت نفسي ولا شي و قعد اسأل نفسي هل انا فعلا غبي او عقلي ناقص عن عقول الناس الي ف المراكز الاولى او اين الخلل في داخلي !!!
بعد كل هذي التساؤلات خرجت بشي مفيد و عرفت وشهو السبب و انا اقولها و بكل قوه ( الاهتمام ) لما تهتم يبدا يشتغل الاصرار و العزيمه و تبدا تحب نفسك و تهتم فيها ....
تكملة القصه وبكل امانه وصدق ... اعدت السنه و حصلت على المركز الاول على ثمان فصول ... وسنه ثاني اخذت الثاني على ست فصول اما السنه الثالثه حصلت على المركز الاول على القسم كامل و الثالث على المعهد بجميع اقسامه ولله الحمد .. كملت الكليه التقنيه بالرياض وتخرجت منها و انا الاول على الدفعه ... *قولوا ما شاء الله تبارك الله *..
ما فيه انسان يولد غبي الكل عنده عقل لكن من هو الانسان الي يستثمر امكانياته نحتاج وقفه مع النفس

اسف على الاطاله .....