أنا مو اللي معاكم بالدفعة ، زوجي بس بأتكلم عنه و هو يعرف المميزين فيكم و يشكرهم
كان طموحه يدرس جامعة بالتخصص اللي يحبه و أحد يشجعه
و بس تزوجنا اقترح عليي يدرس بعد ما سمع إن أختي تدرس بنفس الجامعة
و شجعته و كونه يشتغل ما يمديه يتابع فأنا أساعده و خاصة أيام الاختبارات
كنت بالبداية أدخل ملتقى الجامعة اللي تابع للموقع الرسمي
لكن بعد فترة اكتشفت هذا الملتقى و أنا أبحث عن وظائف تعليمية و دبلوم تربوي
طبعا هو كان يسبقكم بمستوى لكن لأن طول هالسنوات أنا أنجبت مرتين
و تعرفون وضع الاطفال و تعلقهم بأبوهم و يمزقون له الورق و لا يخلونه ينام أو يذاكر عدل
المهم عدت الأمور على خير و إن شاء الله هالسمستر يتخرج و نفرح له
استفاد كثير من متابعتكم و حتى مستواه ارتفع و تعلم منكم العزيمة و الإصرار
للمعلومية هو دارس محاسبة بس وظيفته اداري بالشركة لكن الشيء ساعده أكثر يفهم الوظيفة
من خلال المواد و التطبيق بالشركة و إن شاء الله يفتح له شركة خاصة بالمستقبل
شكرًا جزيلا كلمة أوجهها بالخصوص مني للجميع
و بالأخص هنادي ، طموح شايب ، المنادي ، جنون الحياة ، أم جهاد
أذكر ببعض الملخصات أبو فهد إذا ما خانتني الذاكرة و شخصية مجهولة ووووو
المعذرة إن ما ذكرناكم لكن دوم أدعي لكم بس أشوف أسمائكم
بالتوفيق لكم جميعا و دوم متميزين