.
مع تنظيم عمل الهيئة واعتبارها وزارة يحاسب فيها رئيسها بحال اخطأ احد من موظفين وزارتة
اسهل شي ان الواحد يربي له لحيه ويقصر ثوب ويروح يتوظف في الهيئة مهما كانت سوابقة من مخدرات .. الخ
كيف انا يالمواطن البسيط راح اقبل يجيني شخص حديث عهد يامرني وينهيني وافكارة شبه مسمومه ومتشددة بسبب ماواجهه بحياتة من انحرافات !!!
انا ماني ضد الهيئة ووجودها نافعنا بس البعض منهم في تويتر بتغريداته حسسني انه لولا الهيئة كان كلنا زنينا
وكلنا ارتكبنا المحرمات !! لدرجة واحد كاتب لولا الهيئة كانت اختك كل سنة حامل بتوائم ولصارت امك راقصه ... الخ
يعني للهدرجة شايفين المواطن سفيه ومافيه دين واخلاقيات تحكمنا ؟
تنظيم عمل الهيئة هو انك تعلمها وش لها ووش عليها , البعض يبي مطلق الصلاحيات حتى لو كانت ضد حقوق المواطن !!!
انا ك مواطن من حقي ان مايجيني شخص يطارد عيالي لين يسوون حادث ويموتون ثم يطلع نفسه من السالفة !
انا ك مواطن من حقي مايجي واحد يطارد بنتي لين تطيح بالشارع وتنكشف قدام الرجال ثم اصيح باعلى صوت انا والله احرص منها عليكم !!!!
انا ك مواطن مارضى يجي موظف هيئة يشيل ولدي مثل الخروف ويقطه بشنطة السيارة ويعتقله بدون سبب يستدعي !!
انا ك مواطن مارضى يجي احد يطلب جوالي ويفتشة بدون وجه حق !
من بين المواقف اللي مرت علي في احد المولات موظفة محل ( مستلزمات نسائية ) محتشمة البنت وبحالها اللهم انها محجبة لكن وجهها خالي من المكياج تماماً , جا موظف لهيئة ودخل بوسط المحل وهو نسائي ! وقعد يهاوشها ويأمرها تتغطى ومن كلامه واضح انه مو اول مره يجي يقولها ؟ يعني خلصت المشاكل حتى تشوف مثل هالمسكينة وتجي تستقوي عليها بسلطتك وتقولها اقطع رزقك لو ماتغطيتي ؟ تركت اللي يتمشون ف الممرات بمكياج وحطيت حيلك بهذي ؟
ارجع واقول انا ماني ضدهم , لكن ضد العشوائية اللي يمرون فيها , فيه كثير يتاجرون بالدين وكلنا ماندري وش ورا اللحية من شخص ؟ ف افضل خطوه انهم استبعدو اصحاب السوابق + الشهادة الجامعية مطلوبة
+ لا تطارد ولا تعتقل ولا تاخذ جوال , كلم الشرطة او المكافحة وهم يقومون بامور الاعتقالات
المسألة بسيطة وشي جميل ليش معصبين بالنهاية القانون هو اللي يحكم وهذا دور الحكومة مو الجماعة .
يعطيك العافيه تركي على الدعوه