المشاركة الأصلية كتبت بواسطة turki201

يعجبني تفاعلكم واشكركم على مشاركاتكم

الجميل في الموضوع ان في اختلاف بالاراء فهناك يقول طبعا مو مع القرار والبعض يقول مو مع بس يثقفون بعض رجال الهيئة والبعض يقول مو همه يعني لو انلغى الجهاز عادي والدولة عندها البديل

البعض يقول الرادع هو الدين والتربية والمجتمع ... وعاداتنا وتقاليدنا ومن هذا الكلام طيب والاحداث الي صارت ليه مامنعتها الدين ولا التربية والعادات والتقاليد على كلامك ... ليه اول ماشاف رجل الهيئة هرب مثل البهيمة وانا اتكلم عن الشاب الي كسرت ام البنت جواله يوم يقول لها اكتبي رقمك واظن الجميع شاف المقطع

شوفو كم رجال كان واقف وللاسف اقولها انهم محسوبين علينا رجال ولا واحد منهم ردع هالشباب البهيمة وما اتردع الا لما شاف رجل الهيئة
لما البنت تمشي بوسط سوق الراشد مول سواء كانت بكامل زينتها ولا متحشمة يجيكم واحد بهيمة يمشي ويضربهم بسبحته ولا في احد يردعه هنا اقول لكم رجال الهيئة ينحشونه

انا اعترف ان في اخطاء فردية من رجال الهيئة واخطاء بعض الاحيان ما تغتفر كانك تلحق مراهقين الي مايصدمون ولا مثل سالفة البنت الي بالمجمع هذا خطاء واكبر خطاء

طيب نجي لبعض الانجازات الي يقوم بها رجال الهيئة بدون مايظهرونها وسائل الاعلام او المتصيدين لهذا الجهاز
اول شي ملاحقة السحره
ملاحقة المفسدين في الارض ممن يصنعون الخمور او من يقومون بتهريبها
ملاحقة المبتزين وهذي العينه البهيمية هدمت بيوووت لان البنت خافت واستغل هالبهيمة وهدم حياتها

انا من الاشخاص الي صارت لي مشكلة مع احد رجال الهيئة وهو انه منعني من دخول السوق علشان اشيل اهلي وانا اقول مو من حقك تمنعني وانا معاي حق بس لما اشوف لملابسي اعذره ( انا كنت راجع من النادي وبعد التمرين وكنت لابس شورت اعلى من الركبه وشكلي غير مناسب خارج اسوار النادي ) انا عذرته وحاولت اجاريه وفي النهاية اقتنع الرجل اني جاي اخذ اهلي وراجع لبيتي

ارجع واقول في اخطاء نعم في اخطاء بس محاسنهم اكثر من مساوئهم

واعذروني على الاطالة