بالتوفيق يارب
بيطلبون منك تعرفينهم عن نفسك
قولي كل شيء اسمك تخصصك عمرك دوراتك خبراتك اعمالك التطوعية هواياتك
ثم بيسألونك ليش قدمتي على الدبلوم
اختاري اجابة غير الوظيفة وان قلتي وظيفى ما يخالف
وبعدين بيسألونك الفترة من تخرجتي الى الان وش سويتي فيها
جهزي لك جواب
من ضمن الاسئلة بينطرح سؤال بطريقة غريبة مكن تكون مستفزة او بيحسسونك انك غير صادقة في احد الاجوبة ..بهالحالة انتي طنشي لانهم بيقيسون الثبات الانفعالي عندك
واذا كنت ثابته انفعاليا ما راح تلاحظين هالشيء
ايضا بيطالعون طريقة جلستك
سلامك اول ما تدخلين (بدون مصافحة)
ملابسك وألوانها
لازم الالوان هادية ومناسبة كأنك جاية لمقابلة عمل
يعني فوشي فسفوري شيفون دانتيل ما يصلح هالكلام
خليك رسمي
والشعر بعد
كيرلي ..بف ..استشوار وتلوفحين فيه ..ما يصلح بعد
استشوري واربطيه وخليك مرتبة
والمكياج حدث ولا حرج
لا تهولين بعمرك
اساس وكحله وروج يكفي
الشدو الالوان والحواجب شاينيز ما يصلح
ووشو بعد امممم ..
ايه لاتفلسفين بشيء انتي ما تعرفينه خلك انسانه طبيعية وانا قلتي ما اعرف على احد الاسئلة عادي مافيها مشكلة
ممكن يسألونك كيف تبحثين او تحصلين على معلومة
انتبهي تقولين من منتديات غلط
ممكن تقولين من المكتبات الرقمية بالنت او المقالات المنشورة او من الاشخاص اصحاب التخصص ..وغيرها
وممكن بعد يسألونك وش تعرفين عن برنامج الدبلوم اللي انتي مقدمة عليه
روحي لموقع الجامعه واقرأي وش المواد اللي تدرس واغرفي طبيعتها ..وان بغيتي شيء شيء بهالخصوص انا بعد جاهزة
ضروري تعرفين انتي وش مقدمة علية وليش مقدمة ووش بتدرسين فيه
اما تقدمين على شيء انتي ما تعرفينه بعد ما يصلح
وبس بالتوفيق لكم جميعا