|
رد: الذي هو خريج متوقع والذي ليس له نفس تعال شوف هالكلمة يمكن تنفع معك وتحفزك "حفزني واحفزك" - طموح شايب
اقتباس:
المشاركة الأصلية كتبت بواسطة mohammed.shamea
السلام عليكم
انا واحد كنت محبط من اول ماخشيت الجامعه
خصوصا اني متخرج من الثنويه من 13 سنه اول ماقدمت ماجاني القبول وبتدت الدراسه
خذت الفلوس ورحت مع المدام الكويت وانا في الكويت اخر يوم جاتني الرساله اني انقبلت
رحت تسلفت وسددت و كملت الاوراق ورسلتهم
وصل خبر للوالد قالي انت يوم كنت بتقدم في التقنيه تبيني ادفع لهم 3000 ريال واذا عديت راح تكون انتظام ويعطوك مكافئه بس عارف مامنك فايده روح شوفلك وظيفه ابرك
قالي انت تمسك الكتاب يجيك النوم تبي تاخذ شهاده جامعيه وقام يضحك
عمتي وزوجتي ماقصرو دعموني وشجعوني
ودرست اول ترم ونجحت حسيت اني فايز بالجنه
كان الوالد اكبر احباط لي في الحياه
وكان يزعل اذا نادوه الناس بي ابو محمد ينادوه بي ابو علي مع اني اكبر اولاده وماعنده ولد اسمه علي
راح اتخرج هذي السنه
و ارسله صوره الشهاده واهاجر امريكا اعيش هناك
واعطي اولاد وزوجتي الجنسيه بما انها عندي
وماراح ارجع
باخليه يعض اصابع الندم
|
افا رجال وش كبرك وذا ردك ؟ لاكن الشره مهب عليك على الي يدعمونك تهاجر
حط في بالك ترا الشهاده مارح ادخلك الجنه والله لو تجيب معدل 5 ، الاب وبرك فيه لو ان شاء الله يعطيك كف في مجلس الرجال مالك حق تروح وتهمله ، انتبه لنفسك ممهما سوا ابوك معك اي شي هذا ربي يختبر برك في ابوك ياليتك بس تراجع حسابتك مع ابوك مهما كان الاب مايتعوض الزوجه يجي بدالها زوجه والاولاد تقدر تجيب لك اولاد بس والله وثم والله لو تفقد ابوك وهو معصب عليك (بعد عمر طويل لابوك) انه انت الي بتعض اصابع الندم مهب ابوك، يعني بالعربي انت الخسران ،، وسلامتك
|