ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام الذي هو خريج متوقع والذي ليس له نفس تعال شوف هالكلمة يمكن تنفع معك وتحفزك "حفزني واحفزك"

طموح شايب · 2016- 4- 17

اقتباس:

المشاركة الأصلية كتبت بواسطة mohammed.shamea

السلام عليكم
انا واحد كنت محبط من اول ماخشيت الجامعه
خصوصا اني متخرج من الثنويه من 13 سنه اول ماقدمت ماجاني القبول وبتدت الدراسه
خذت الفلوس ورحت مع المدام الكويت وانا في الكويت اخر يوم جاتني الرساله اني انقبلت
رحت تسلفت وسددت و كملت الاوراق ورسلتهم

وصل خبر للوالد قالي انت يوم كنت بتقدم في التقنيه تبيني ادفع لهم 3000 ريال واذا عديت راح تكون انتظام ويعطوك مكافئه بس عارف مامنك فايده روح شوفلك وظيفه ابرك

قالي انت تمسك الكتاب يجيك النوم تبي تاخذ شهاده جامعيه وقام يضحك
عمتي وزوجتي ماقصرو دعموني وشجعوني
ودرست اول ترم ونجحت حسيت اني فايز بالجنه

كان الوالد اكبر احباط لي في الحياه
وكان يزعل اذا نادوه الناس بي ابو محمد ينادوه بي ابو علي مع اني اكبر اولاده وماعنده ولد اسمه علي

راح اتخرج هذي السنه
و ارسله صوره الشهاده واهاجر امريكا اعيش هناك
واعطي اولاد وزوجتي الجنسيه بما انها عندي

وماراح ارجع
باخليه يعض اصابع الندم

اخوي محمد
والله خنقتني العبرة من كلامك
وإني أتمالك دموعي وأنا أكتب لأن ولدي جالس جنبي

والله ماتعرف قيمة أبوك إلا إذا خسرته

أنا فقدت أبوي وعمري أقل من 12 سنة

والله إني أتمنى انه موجود الآن لو كل يوم يتفل في وجهي

ولو صفعني على خدي الأيمن لقربت له الأيسر ولقبلت يده وقدمه

اتق الله

فوالله انك مسؤل عن ما كتبت

ووالله لن تنفعك الشهادة ولا الجنسية ولا زوجتك ولا عمتك ولا أولادك

يوم لا ينفع مال ولا بنون إلا من أتى الله بقلب سليم