نصآئح للمقبولآت اعتبروهآ نصائح من اختكم الكبيرة :
1\إذا تعرفتي على صديقات وحسيتي إنك مآ راح تتأقلمين معهم او بس تجلسين معهم
عشانك وحدك لآ تكملي جلوس معهم مثل هذي الصداقات دوري لك صديقات تفهميهم ويفهمونك مو بس مصآلح ومسخره على الراييحين والجايين ودشاره وبس .
2\وقت الجد(المحاضرة) كل حواسك تكون مع الدكتورة جلسي بالصفوف الامامية تفاعلي بالمحاضرة
تحملي الثلاث الساعات او الساعتين اصبري وبعدين وقت الفله والوناسه برا استانسي مع صديقاتك .
3\نصيحة تجيك من بنت ماتفهم بالنصائح لآ تاخذين منها اذا قالت لك ماراح اذاكر لا تتابعينها وتقلدين
صدقيني المجتهده تاخذ حقها حتى لو ماعطوكِ حقك كامل لآ تنسي قولي ( الحمدلله) غيري راسب..وربي يعوضك
4\اللبس اهتمي يكون مظهرك مظهر طالبة جامعية مرتبه نظيفه سوي اللي تحبيه اكشخي لبسي احلى لبس لكن بدون مبالغة ابتعدي عن الألوان الفاقعة الفسفورية حتى عباتك ابتعدي عن الزخارف والالوان والمبالغات ...العباية ستر مو عرس .
5\خلي بشنطتك أدوات صحية حتى ماتتورطين ..
6\ريالات جديدة صرفي لك 100 ريال كلها ابو ريال خخخـ تحتاجينهم وبشدة .
7\جو الكلية احياناً يعصب وخاصة بداية الأيام خلك ريلاكس هادئة لآ تتنرفزين من الزحمة لآ تعصبين
اذا دزتك انسانه بالغلط لا تكشرين بوجهها تراها مثلك متنرفزه مو ناقصة تكشيررر من احد
8\لآ ترمين أغراضك المهمه بأي مكان وتروحين عنهم .. اللي يسرقون ياكثرهم
بالنهاية يارب يوفقكم جميعاً