ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام مابعد التخرج !!! للي مو متوظفين

* Sarah * · 2016- 4- 19

اقتباس:

المشاركة الأصلية كتبت بواسطة الكاتره سعد

اول شي لازم اخذ سيلفي مع الشهاده ..

وبعد الاحتفال اطقها بالجدار علشان يتفرج عليها احفاد الاحفاد في القرن الـ 22 الجاي

القطاع الخاص مهما كان راتبه متدني الا ان العمل فيه ضروري لاكتساب الخبره ..
وبعد الخبره انتا حر .. تروح لمكان افضل يقدر خبراتك او تسوي مشروعك الخاص ..

والبلد لسى فيها خير لو اعتمدنا على انفسنا وخلينا الوظيفه مرحلة عبور لا اكثر..

اعرف كذا شخص اجنبي يملكون ملايين ويعطون كفلاهم الكسالى شوية هللات عشان ما يسفره ..

#حنا_اولى

هذا الكلام الصحيح .. كفيت ووفيت ياخوك ـ

..

يا عمري احنا حالياً في ثورة البزنس والمشاريع الخاصة ..

وأغلب الناس شغاله في التجارة سواء متخصصين أو لا، عندهم خبره ولا على عماهم

وأتوقع إن هذ الشي صار ملاحظ في كل مكان وبالذات بالسوشيال ميديا ؛

الأهم إنك تأخذين خبرة في تخصصك " ذهنية ومهنية " أكثر من " ورقية "

وبعدين تتعلمين لك كم مهارة مثل اللغة ..

البرمجيات والتقنية .. ومهارات تطوير الذات .. << حاجات تضيف لك

ثم بعدها تبدين الإنطلاقة إما بفكرة مشروع لك أو تتجهين لأحد القطاعات

طبعاً الحكومي السرى فيه طويل وزحمه

وعلى ما يجي دورك يمديك عجزتي وخرفتي << إلا إذا كان عندك واسطه

فما لك إلا القطاع خاص ..

وأنا أشوف إنه الأفضل بحكم إن العمل فيه يبتعد عن الركود والروتين الممل

عموماً..

حلو إن الإنسان يرفع سقف طموحه .. ويجازف لما يوصل للي يبيه ؛

لكن قبل كل شي لازم يأهل نفسه ويطورها عشان يكون كفؤ ويقدر يجازف ويحقق مبتغاه

..

^ ترى ما عندي سالفه .. بس شفت نفسي فاضيه قلت خلني أتفلسف عليهم