السلام عليكم
ابشركم سويت المقابله والحمدلله عدت على خييرر
اول شي رحت اسلم اوراقي الي هي صوره من حسن سيره وسلوك وبطاقه الاحوال وصور شخصيه..... والمششششكله ان شهادتي ماكانت موجوده loooool وهذي هي اهم شي بعد
صارت لخبطه من البيت لأن اختي اقصد توأمي حطت شهادتها تحسب شهادتي
احنا دايم تصير حوسه بينا الله يعين لو درسنا انتيريل ديزاين كل وحده بتاخذ رسمه الثانيه هههههههههههه
المهم حليتها وارسلتها لهم بلإيميل ورحت دفعت ال500ريال
بعدها ارتحنا شوي
بعدها رحنا نختبر دايند(كميوتر)
واحتبرت دقيقتين وخلصت هههههههههههههه 
وطلعت مستانسه ان كان سهل
ومحد طلع غيري ..احنا 4 بنات وانا طلعت وهم قاعدين استغربت حسيت اني دفره 
الا طلعت هذي الي اختبرتنا مدري شسمها تكلمني انجلزي تقول فهمتي الاسأله قلت لها اي سهله
وراحت وكلمت وحده معاهم ..... وجاتني قالت لي عيدي لختبار ومدري شقالت قلت اوكي اوكي لأني شكيت ان في شي ناقص
هههههههههه وختبرت وكانت الاسأله اكثر من المره الاولى طلع ان البرنامج كان فيه شي ماطلع لي الاسأله كامله
وخلصت وطلعت
بعدها اختبرنا :150: التعبير وكان موضوعين عن التصحر والثاني عن الي يتكلمون لغه الام ....اخترت الثاني وكتبت الي اعرفه وشويه فلسفه ههههههه
وخلصنا وسو بعدها المقابله لكل وحده فينا وكانت اسأله عاديه سهله وهذا الجزء الصارحه تعبت جد
احس انكتم نفسي ابي اعبر ومو قادره من التوتر والكلمات مو قادره اصيدها هههههه
كان صعب على التعبير ماعرف اتكلم كثير لكن افهم شنو يقولون عدل
والله اني جبت العيد بالمقابله بس عدت على خير ورقعتها
وكان صج توتر كثيير لكن الوضع كان عادي والي يختبرونا كانوا متعاونين معانا ويبتسمون يعني خففوا عنا التوتر.
وبس سلامتكم
اسفه طولت عليكم واجد بس عشان غيري يستفيد
بالتوفيق للكل للي عنده اختبار