|
المحاسبه 2 والدكتور محمد!!
السلام عليكم
بخصوص المحاسبه 2
مالقو يغيرون الدكتور الا على حظي؟
يوم كان عندي فرصه اخذها كنت متخوفه منها وهالترم تشجعت اخذها .. واخذتها وانكبت
الدكتور نايم
عجزت اتابع محاضراته والله كلما فتحتها انام
ضايق صدري مره من الماده اول مره احس اني برسب
فيه دكتورين لنفس الماده قديمين" حسيت انهم ساعدوني ع الاقل بفهم بعض الامور
السلايدات فيها اختلاف لكن المواضيع الاساسيه ثابته وفي بعض الزيادات اللي مشتتني فعليا
اللي مضيق صدري اكثر ان مافي اسئلة لنفس الدكتور عشان نعرف اسلوبه
وبنفس الوقت بالمحاضرات المباشره ماقال شي عن اسلوب اسئلته
طيب وش اسوي ياليت بيدي احذف الماده
والله فيني كمية دموع وخوف من الماده
صحيح الدكاتره القديمين شرحهم وتوصيلهم للمعلومه افضل بس الاسئله والاسلوب للدكتور محمد هي الاهم !!
عطوني دعم معنوي وش اسوي بالضبط
انا مشتته مابين الدكاتره القديمين والدكتور محمد
ومشتته مابين الملخصات القديمه والشروحات ومابين اليوتيوب والدكتور محمد
ليتني ماسجلت الماده
كان اهون علي احذفها وتروح فلوسها ولا اني انصدم وارسب فيها ويتأثر معدلي
الى الان احس اني ضايعه مب عارفه اعتمد ع شي ثابت بمذاكرتي او ع الاقل اعرف اسلوب اسئلة الدكتور
هي عميقه او واضحه او فيها لف ودوران!!
حسبي الله ونعم الوكيل
الجامعه تاكل فلوس الطالب
والطالب بالطقاق يفهم مايفهم مب مشكلتنا
الجامعه ماسمعت المحاضرات؟.
شرحه بارد ?
يجيب النوم?
فهمتو شي?
وش فايده الدكتور اذا بستعين باستاذ ثاني او مقاطع يوتيوب او ملخصات مشروحه !
انا سجلت الماده وتوهقت فيها
على فكره
اول مره اكتب موضوع في ماده من المواد
فعلا هالماده نكبه وانا احتج لو رسبت او حتى نجحت ع الحفه
احتج ع الدكتور محمد والمفروض العماده تنظر في وضعنا
مو تاخذ فلوسنا وتنكبنا
انا محتاجه افهم عشان وظيفتي مو عشان الدرجات والنجاح وبس
خلونا ندعم بعض نفهم بعض اي شي تكفون
نساعد بعض
وش ذاكرتو منه
وش اعتمدتو عليه بالمذاكره
انا ضايعه وربي ضايعه
ماخذه اجازه من شغلي مخصصتها للمحاسبه لي اسبوع اذاكر الماده وللحين احس اني مو ثابته على شي بالمذاكره
وماثبت بمخي شي ، لو تجيني الورقه ماراح اعرف احل ،،
|