يا الله صبآح خير
..
أول خيط من خيوط الجريمة إنّي ماكنت مستقرّة ذهنيًا
, عندي مشاكل مع السيارات
لما أركب أجيب العيد وضيّعنا المبنى وكذا , ماوصلت إلا راسي مفترّ
..
وأنا أكتب البيانات يدي ترجف مو جايه أركد بعد التفحيط , الحمدُ لله إن الإختبار مو مقالي
لأن وأنا أكتب البيانات كان خطّي يخوّف
..
أول شي لاحظته إن الخط صغير( أو إن نظري ضعف فجأة ) ..
كنت أحاول أدقق بالأسئلة تحسبًا للمفاجآت , حتى الأسئلة اللي إجاباتها واضحة
شاكه فيها مو جايه أقتنع
..
بإختصار كان إختبار متوسط الصعوبة مو سهل حيل ومو صعب حيل ..
وأحس كانت فيه أسئلة كثيرة مرّت عليّ من قبل , ما أدري كم عددها المهم إنّي أحسها كثيرة
..
بعدين بديت أتحوّل لإينشتاين
, هالكلام لما جيت أراجع ..
أصبحت أرى الأسئله من منظور عجيب
أقول لنفسي يابنت الحلال عقلي ركدي مالك بالتفحيط , مآفيه سوّيت اللي في راسي
..
فيه سؤال قلت بغيّر الإجابة وما أذكر الآن إذا غيّرتها أو لا :looking_anim: !!
على أية حال , مهما تكن النتائج مارح أستغرب لأنّي متوقّعه كل شي ..
عندي بعثة في م 5 مع الصوتيات وبعدها برجع من أجل اللغويات مع الكابتن أحمد السقوفي
..
بالتوفيق للجميع إن شاء الله ..