ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية تجمع مذاكرة مبادئ المحاسبة 1 { الأحد- 24/7/1437

wejdan_ · 2016- 4- 29

اقتباس:

المشاركة الأصلية كتبت بواسطة ام معاذ12

المحاضرة الثالثه مره مافهمت منها

المحاضره الثالثه توضح لك وش هي انواع الحسابات يعني

الاصول اللي هي اي شي يزود الشركه بالخدمه و المنفعه مثل المبني ، الاثاث ، السياره ، المكيف ، الاجهزه ( يعني شي يخص الشركه و تستعمله عشان تشتغل

الخصوم اللي هي اي شي يخص الشركه لازم تسويه او بيكون عند الطرف الثاني ولازم يرجعلنا هو مثل باع ، او اخذ قرض او اخذ اي شي .. حلو

حقوق الملكيه هي راس مال الشركه و جاري المالك يعني اذا اخذ الملك شي من الشركه و الارباح

الايرادات اللي بتحصله الشركه من بيع او خدمه قدمتها سواء اخذت فلوس او ما اخذت

المصروفات اللي هي التكاليف اللي دفعتها الشركه عشان تجيب الاشياء اللي تنفذ فيها اعمالها

طيب نجي للجدول الي على حرف T
دائم يكون المدين على يمين الجدول و الدائن على يسار الجدول زين

وفي الوسط الشي اللي يخص الجدول اللي سويناه _ بنك - راس مال -المبنى - الصندوق ... الخ )

طيب وش نحط على الطرف المدين اللي هو ع اليمين بنحط الحسابات اللي بطبعها مدينه وهي

( كل الاصول )
وش هي الاصول : هي ممتلكات الشركه
المصروفات - البنك - الصندوق ( يعني نقدا الفلوس ) - المدينون - البضاعه - المشتريات - مردودات ومسموحات المبيعات - الخصم المسموح به - المسحوب عليه - اوراق القبض - مخزون اول المده - المسحوبات - مصروفات ( نقل مشتريات ، مبيعات ، شحن مبيعات ، دعايه واعلان ، كهرباء ، هاتف ) - رسوم جمركيه على المشتريات - عموله المبيعات - اوراق القبض برسم الخصم ( من للبنك ) - اوراق قبض برسم الخصم ( برضه من البنك ) - مصاريف الخصم ( خصمها البنك ) - اوراق الدفع ( لمن نتصرف فيها تسديد او رفض تسديد ) المصاريف القضائيه - فوائد تجديد اوراق الدفع - اخر شي اقفال الحسابات الدائنه ( الايردات و اللي منها المبيعات - تصير مدينه )

يعني الزبده من حـ / مستخدم الفلوس - اخذ الفلوس - الشي اللي دفعت فيه الفلوس
المدين المبلغ الزائد نحطه فيه
المدين حنا اللي نطلب منهم فلوس

نجي للجنب اليسار قلت دايم يكون دائن
طيب وش بنحط ع الطرف اليسار اللي هو الدائن بنحط الخصوم - الايرادات - رحقوق ملكيه = رأس مال - ارباح - دائنون - قروض - مبيعات - مردودات مسموحات مشتريات - الخصم المكتسب اللي هو النفدي - الساحب - اوراق الدفع - مخزون اخر الفتره -اوراق القبض برسم تحصيل ( لمن نتصرف فيها فيها سواء سداد او رفض سداد ) - اوراق القبض برسم الخصم ( برضو نفس الشي لمن نتصرف فيها سواء سداد او رفض ) - المصاريف القضائيه 0 ناتجه عن التحصيل من البنك ) - اقفال الحسابات المدينه ( المصروفات و اللي منها المصروفات )

يعني الى حـ / مصدر الفلوس - معطي الفلوس - اللي كسبت منه الفلوس
الدائن هم يطلبون منا فلوس
الدائن المبلغ الناقص نحطه فيه

يا رب اني عرفت اوصل المعلومه و الله يوفق الجميع