ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية { تجمع مذاكرة مادة مبادئ الأحصاء }

مجرد عآبر · 2016- 4- 29

اقتباس:

المشاركة الأصلية كتبت بواسطة t!me

3 9 8 5 3

استخرجوا المدى و الوسط و الوسيط و المنوال مع الشرح

انا اعرف الوسط اما الباقي ما مريت عليه يلا همتكم

المدى= اكبر قيمة - اصغر قيمة ..

أكبر قيمة هي : 9
أصغر قيمة هي : 3
9-3= 6
المدى= 6

الوسيط : عشان تطلعينه , لازم تسووين هذه الخطوات ..

1- ترتبين الارقام تنازليا او تصاعديا ..
2- بعدين تشطبين على رقم من اليمين و رقم من اليسار , لين يبقى عندك رقم واحد بالنص يكون هو الوسيط ..

* ملاحظة ..
اذا كان عدد الارقام زوجي .. تاخذين الارقام اللي يجون بالوسط و تجمعينهم و تقسمينهم على 2 .. و يطلع الوسيط ..

نرجع للمثال :
3 , 3 , 5 , 8 , 9

بعد ما رتبناهم .. > الخطوة الاولى
نشطب رقم من اليمين و رقم من اليسار ..> الخطوة الثانية
بقى معنا 5 اللي هو الوسيط ..

المنوال : أكثر عدد متكرر ..
و بالمثال هو رقم 3 ..

اتمنى الشرح يكون واضح ..

و بالتوفيق للجميع ..