انا ما درست حتى الان السمبليكس . لكن اظن اني فهمت المسألة حقت البرنامج الخطي .
يوم تقرا السؤال عادة تلاحظ فيه معلومات وارقام حاول تربط بينهم . يعني مثلا المسألة اللي بمحاضرة 14 .
تبي تسأل نفسك كيف يختار القيود والمعاملات .
بمجرد ما تلقى انه معطيك حد اقصى او حد ادنى له علاقة بارقام اخرى في المسألة على طول تقدر تحدد كيف تكون القيود .
مثلا معطيك ان امكانيات المصنع هي 22 ساعة عمل . و99 كجم . بآخر المسألة ...من هذه المعلومة تعرف انك راح تستخدم هذه الارقام في الطرف الاخر من القيود . وان القيود راح تكون متعلقة بالوقت والكمية .
بداية السؤال يقولك النوع الاول . مباشرة تفرض انه x1 ,والثاني x2 يبقى السؤال . وبعدين . ؟!
الان ابي اكون قيدين يوجد في كل منها المتغيرين بدلالة الوقت والكمية الخاصة فيهم .
الاول يحتاج 30 دقيقة ، و4 كجم . .......طبعا التعبير عن الوقت في المسألة كله بالساعات . لاحظ 30 يعني نص ساعة يعني = 5.
ثاني يحتاج 2 ساعة "لاحظ ساعة وليس دقيقة " و2 كجم .
اصبح عندك معلومات تخص المتغيرين عن الوقت والكمية . ابدا اكون قيدين واحد للوقت واخر للكمية .
نعتبر الارقام اللي عندي هي المعاملات .
قيد الوقت : 0.5x1+2x2<=22 ..............منين 22 .....لاحظ فوق قلنا ان اقصى ساعات عمل هي 22 .
ما سوينا شي جبنا وقت كل نوع وحطيناه قدامه وقلنا اصغر او يساوي 22 .
قيد الكمية . نفس الشي .
الاول يجتاج 4 كجم ، والثاني 2 كجم ....واقصى كمية ينتجها المصنع 99 كجم .
يصبح القيد .
4x1+2x2<=99.............. انتهينا من القيدين .
وش باقي معلومات بالسؤال لها علاقة بالقيود .
يقولك كمية النوع الاول لا يقل عن 20 يعني x1=>20 وكمية النوع الثاني حده الاقصى 30 يعني x2<=30
يبقى عندك قيد ثابت دائما اسمه عدم السالبية اكيد تعرفه .
ادري اني طولتها وهي قصيرة .