المحاضرة الثانية
في المحاضره هذي بدأ بتعريف لكلمة power وطبعا هذا التعريف بالمفهوم العام عشان يفسر لنا شلون اللغة قوية ومن أي ناحية
التعريف مهم>
بعدين قال لنا شلون اللغة تفرض قوتها وجاب لنا مثال عدد الصفحات في الانترنت وشلون ان اللغة الانجليزية هي اللي اصبحت المسيطرة على الانترنت وبكذا اذا ماكان عندك لغة تتواصل فيها فهذا معناه انك راح تستبعد من السلطه
ونفس الشي لما يجيك شخص متمكن من اللغة والمعلومات تحس وانت قدامه انك نكره لانه اكتسب نوع من انواع القوه وهي اللغه واعطى مثال على الخبير والانسان العادي
نظرية سوسير للغة :بالبداية نفهم مباديء النظرية وهو انك اذا سمعت او قريت كلمة تلقائيا تتكون عندك بمخك صورة توضح هالكلمة مثلا لو اقول سيارة خضراء على طول جا ببالك السياره ولونها
والصوت او الكلمة اللي انا قلتها اسمها=signifier
واما المعنى اللي انت فهمته من الكلمة =signified
والربط المتطابق بينهم يعني لما قلت سيارة والصورة اللي ببالك صورة السياره متطابق هنا اقول عنهم=sing
التعاريف مهمه>
والارتباط بينهم محكم
التعريف مهم>
وقسم سوسير نظريته الى قسمين وهالقسمين مهمه تجي بالاختبار
الاول يقول ان اللغة معرفة فطريه يعني لو يجي شخص ويقول لك جملة ملخبط ممكن تعرف هو شنو يقصد على طول راح ترتبها بمخك وتطلع جملة مفيده واسميه=langue
والقسم الثاني ان استخدامي الفعلي للغه هو في الكلام او الكتابه واسميه=parole

طبعا هذا شرح بسيط ممكن فيه بعض الجمله في المحاضرات ضروري تمرون عليها لانه يجيب الجمله ويشيل منها كلمة ويحطها من ضمن الاختيارات
**** تمت****