المشاركة الأصلية كتبت بواسطة حماااده

بس هذي الجامعة اللي تدرس 7-8 ،
باقي الجامعات اصلا مثل عبدالعزيز < تدرس 6-5 !
مافيه جامعه في العالم تعطيك 8 مواد !!! لا وبعض الاترام 9 ؟ موب صاحين ؟ يعني اللي يحط الخطه ( وش اسمه ، ويوم يحطها في اي قرن كان ؟ .. وهل تم تقيم الخطه بعد تجربتها ؟ ) ، اللجنه ذي من كان مديرها .. وشلون توصلوا لانها تبي تجعل الطالب يكون عارف بالادب + اللغة ،


ساحكي لك قصتهم في القاعه ذاك اليوم
تم الاجتماع الساعه 1 الظهر ، قبل 20 سنه ، طبعا هذا الاجتماع جاء بعد ما تأجل اكثر من 38 مره
المهم كانت بداية الاجتماع بهذه الكلمة
.. شباب كيف .. وش نسوي بالخطه قال واحد شف هذي المناهج من الجامعه الفلانيه ، رد عليه الثاني وهذي المناهج في جامعة موزمبيق ايضا جميلة ، .. والثالث ما كان محضر ( بس ما كانت عنده مشكله .. لانه متعود على اسلوب معين )، شافهم متحمسين وقال لهم والله ان اللي عرضتوه كان جميل .. انا اشوف اننا نحطها مكس وش رايكم !!

انبسطوا الاثنين ، رد عليهم الرابع اللي كان عنده منطقية قال لو تحطها مكس ، بتكون المناهج فيه تشابهه وايضا ما نقدر ندرس الطالب المراحل كلها لتاريخ الادب الانجليزي مثلا ، او للترجمه مثلا ، ..فرجع الثالث على الرابع قال ياخي نزودهم مواد ! يعني نبيهم نوابع لا مثيل لهم اكثر من اللي هم فيه
، قال الرابع لا تنسون فيه مواد دين ومواد لعلوم اخرى ) .. قال الثالث السعودييين مافيه مثلهم ، من يومهم في الابتدائيه يدرسون 14 ماده ! جت على الجامعه ، المهم الرابع قال بس ولو !!! ..قالوا له،بشكل جماعي يعني انت تشكك في ان السعودي نابغه تشكك في مخرجات تربيتنا لابنائنا ..نحن اهل الدين نحن الذي ونحن ونحن ( وجلسوا يتذكرون الماضي ) ههههههههههههههههههه .. قال الرابع لا لا (تورط في الحوار العقيم اللي الى الان معاد في تعليقات اليوتيوب والتويتر )، قالوا هااااه هااا يعني تتفق معنا .. للاسف في النهايه الرابع اقتنع غصب عليه وقال معكم معكم


المهم ، جت جامعه فيصل بعد 11 سنه وبدل انها تعدل الخطه بعد ما حطوا سنه تحضيريه ، اضافوا المواد اكثر واكثر

ترى هذي القصة كذبيه هههههه بس صدقوني هذي ( اجتماعاتنا ) ^ مثل هالنوعيه :> ( ترجل ومزاجيه ) مافيه ارقام احصائيه ولا متابعه ، انا شاهد على هالنوع من الاجتماعات في دائره مهمة جدا ههههههه
كأنها سواليف (استراحه ) < حتى سواليف الاستراحات اكثر دقه ومنطقية منها :>