ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية { تجمع مذاكرة مادة مبادئ الأحصاء }

مجرد عآبر · 2016- 4- 30

اقتباس:

المشاركة الأصلية كتبت بواسطة sh.m

شلون انحلت هذي ؟

بالنسبة للصورة اللي باليسار ..

السؤال الاول : مجموع التكرارات ..

الخط الافقي يرمز للمتغير x
الخط الافقي يرمز لـ مجموع التكرارات .. فـ هو 70

السؤال الثاني .. الربيع الاول

مجموع التكرارات 70 ..
نقسمها الى 3 اجزاء ..
ربيع اول .. 25% من مجموع التكرارات .. 70 يطلع لنا 17.5
ربيع ثاني (الوسيط) .. 50% من مجموع التكرارت يطلع لنا 35
ربيع ثالث .. 75% من مجموع التكرارات يطلع لنا 52.5

نجي للخط العمودي , نقرب الى الربيع الاول اللي هو 17.5 و نروح يمين لين نلمس الخط الاحمر بعدين ننزل ..
نلاحظ ان لمس الخط الاحمر ما بين الفئة 3,4 .. اذا الجواب هو 3.4

السؤال الثالث : الوسيط

حددنا قبل شوي الوسيط بـ 35 ..
نسوي نفس الطريقة نجي للخط العمودي , نقرب الى الربيع الثاني ( الوسيط) اللي هو 35 و نروح يمين لين نلمس الخط الاحمر بعدين ننزل ..
نلاحظ ان لمس الخط الاحمر ما بين 4.5 .. اذا الجواب 4.5

السؤال الرابع : الربيع الثالث ..

حددناه قبل شوي بـ 52,5
نجي للخط العمودي , نقرب الى الربيع الثالثاللي هو 52.5 و نروح يمين لين نلمس الخط الاحمر بعدين ننزل ..

نلاحظ ان لمس الخط الاحمر ما بين 5.6 .. اذا الجواب هو 5.6

السؤال الخامس : المئين العاشر ..

المئين العاشر : 10 ÷ 100 × مجموع التكرارات ..
10 ÷ 70 = 0.1 .. 0.1 × 70 = 7

نسوي نفس الطريقة نجي للخط العمودي , نقرب الى المئين العاشر اللي هو 7 و نروح يمين لين نلمس الخط الاحمر بعدين ننزل ..

نلاحظ لمس الخط الاحمر بين 1.2 .. اذا الجواب هو : 1.2

السؤال السادس : المئين التسعون ..

المئين التسعون : 90 ÷ 100 × مجموع التكرارات
90 ÷ 100 × 70 = 63

نسوي نفس الطريقة نجي للخط العمودي , نقرب الى المئين التسعون اللي هو 63 و نروح يمين لين نلمس الخط الاحمر بعدين ننزل ..
نلاحظ لمس الخط الاحمر بين 7.8 .. اذا الجواب هو : 7.8
اتمنى الشرح يكون واضح ..

بالتوفيق