|
رد: انطباعكم عن اختبار علم اللغة الإجتماعي
صح فيه مراكز ما يراعون أن الواحد مركز و مخه شوي ويطلع منه دخان..
تجيك المراقبه تبربر وتكلم البنات بأعلى صوت كأنها في صالة بيتهم..
يمديهم يطلبون الاثبات وهالأشياء بدون صوت، أساسا ً أول ما توقف المراقبه عند راسي
أعرف أنها يا تبيني أبصم - جعل ناقه تبصم في عين ابليس، هويتي معي كبر راسي وباقي يبوني أبصم- ..
أو أنها تبي تشوف الهويه لأنه ماكفاها البصمه، قاتل متسلسل مب طالبه..
ما يحتاج تجي عند راسي تفجعني تقول ( الإثبات )
وتجي الثانيه ( أحد من برا المركز؟ )
ما يمديها تطلع إلا تدخل الثالثه ويلا سوالف .gif "(282)")
للأمانه هالأمور شفتها بمركزين في الرياض..
واحد اشتكيت لألفريدو وماعاد سمعت لهم حس ثاني يوم..
مدري هو سوا شيء ولا وحده من الطالبات كلمت المسؤوله عنهم وهجدوا
الزبده، إلى النقد 
|