|
رد: وشو نظام البانر؟ بليــــــــــــــــــــز
وعليكم السلام و رحمة الله وبركاته
1) وشو نظام البانر ؟
نظام البانر باختصار مثل النظام الالكتروني .. تنزلي فيه موادك الي بتدرسيها الترم أو السنة " حسب نظام الكلية سمستر او سنوي" .. وتنزل فيه الدرجات "يعني مثل الشهادة  " .. المهم فيه انو لازم تسجلي المواد الي رح تدرسيها والا ماتنحسب لك عدد الساعات ولا النتيجة لهالمادة "يعني كنك ماحضرتيها "
2) وهل التسجيل في هذا النظام قبل بدء السنة الدراسيةاو بعد ما تبدأ السنة عشان يفهمونا وشو هالنظام ؟
انتوا سنة أولى راح يكون التسجيل بعد الدوام وبفترة .. اسبوعين أو ثلاثة تقريباً .. وقبل ماتسجلون رح يجمعوكم ويفهموكم كل شي كيف تسوونه "يعني لا تحاتون  " .. الجدول للسنة التحضيرية يجي من الجامعة .. والسنوات العامة "سنتين" هم بعد من الجامعة بس عقبها لما نتخصص ان شاء الله .. كل بنت تختار الجدول والاوقات والمواد الي تبيها ^^
3) طيب الجداول الدراسية اخذها من الموقع قبل بداية السنة الدراسية او بعد ما تبدأ؟
أول 3 سنوات بكليتنا الجداول تجي من الجامعة كل الي عليك تدخلي ارقام المادة بالبانر وخلاص .. عقبها انتي تنظمي كل شي .. عموماً انتوا اول اسبوع رح تتقسمون 3 شعب .. كل شعبه لها جدول معين وبيعطونكم ملفات شرح لنظام الكلية والقوانين ومدري ايش والجداول والكلاسات وكل شي
اتمنى اكون جاوبت على اسئلتك وأفدتِك ..
وأي سؤال لا يردك الا الكيبورد ^^
ومشكورة ع الدعوة الحلوة 
|