|
لكل المقبولات و(بالآداب خاصه) معلومات مهمه (مجهودي الشخصي)
[align=center]
السلام عليكم ورحمة الله وبركاته
صباحـكم ســ ك ــر و شكوكآآلآآآتهـ!!!
حبيباتي المقبولات بالذات المقبولات
بكليه الآداب..
وأنا أتمشى بالمواضيع و أشوف الردود
حسيتكم غرقانين و لا فاهمين الأنظمه و اللوائح
عشان كذا فكرت أنزل لكم موضوع أوضح لكم فيه
بعض الأمور اللي كلها من مجهودي الشخصي الذي قد
يحتمل الخطأ!! فأرجو من أي طالبه معي تشوف معلومه خطأ
تصححهاآآ
نبدأ
س 1/ ماهي التخصصات الموجوده بكليه آداب و متى يختار التخصص!؟!
يختار التخصص بعد إجتياز السنه التحضيريه و التخصصات المتاحه حاليا بكليه
الآداب بالدمام هي :
1/ قسم الإجتماعيات>(التاريخ و الجغرافيا)
2/ اللغه العربيه
3/ التاريخ <<وهـ بث
4/ الدراسات الإسلاميه
5/المكتبات وتقنيه المعلومات!
بالنسبه للتحصصات بجر لكم صديقاتي من كل تخصص كل وحده تكلمكم عن
تخصصها و أنا بكلمكم عن التاريخ بس مأجلته لآخر الموضوع ..
...
س2/ ما هي مواد السنه التحضيريه و هي كم ماده و ما هي أصعب ماده؟!
بما إني ما مريت بمرحله السنه التحضيريه فخليت الإجابه لأهلها و جبت لكم الرابط..
http://www.ckfu.org/vb/t86433.html
س3/ كم المكافاه ؟؟ و متى تصرف؟ و متى تنقطع؟!
المكافأه للأداب 850 ريال سعودي<عجبتني ريآل سعودي 
تنزل شهريا يا إما أول الشهر يا إما آخر الشهر
بس بالنسبه لكم يا المستجدات راح تآخذونها بعد
ثلاث شهور مجمعه لأن بدايه كل سنه توقف المكافأه
3 شهور لين يحصون عدد المستجدات و تفتحون لكم حسابات
بالبنكـ
وراح تلقون برصيدكم ألفين و ميتين و خمسين .. <<خلو لي ميه بدور آخذها حق الموضوع
متى تنقطع ؟
1/ التأجيل ,,
2/ الإعتذار..
3/ أن يكون المعدل أقل من 2..
و أحب أبشر صقيقاتي ترا المكافأه بتنزل يا السبت يا الأحد الجاي
حرره يا المستجدات
ما هي الإنذارات و متى تفصل الطالبه نهائيا؟!
الإنذارات هي تنبيه للطالبه التي يقل معدلها عن 2 <<عشان تحس
ع دمها و تذاكر زي الأوادم
تطرد الطالبه من الكليه نهائيا و يطوى قيدها بعد الإنذر الثالث الذي
يعتبر فرصه نهائيه لها ..
و هنالك حالات إستثنائيه يسمح لها بفرصه أخيره و هذا يقرره شؤن الطالبات
بالكليه!!!
س/ هل إكتساب الدرجات و المعدل صعب بالكليه بالعربي (مين اللي تنجح؟)؟!!
هالسؤال خطير جدا أشوف بنات منزلين مواضيع يخوفون لي
بناتي المستجدات و قهروني
أول شي ثقي ثقه تامه إنو اللي معدلها أقل من الإثنين فهي واحد من ثلاثه:
1/ يا إما كسلااااااااااااانه ما هي بحول دراسه
2/ عندها ظروف الله العالم فيها ..
3/ تذاكر بطريقه غلط!!!!!!
و أنا أرجح السبب الأول دئما لأني شفت بالكليه العجب !!!
اللي بدايه كل سمستر تختار المواد اللي تبي تسقط فيها!!
واللي ما أشوف خشتها بالمحاضرات إلا ناااادرا تقولون بيزنس ومن و مو
ملحقه ع الأشغال!!!!
و اللي تنام طول السنه و آخر شي تروح تدور ع التآشيرآآت والتخطيطات
وتضيع مع البنات ع اختلاف طرق مذاكرتهم!!!!!
أول شي أبنصحكم نصيحه أخت!!!
أحب عملك حتى تتقنه!!!!
أنا عندكم أقرب مثال ما كنت أبي التاريخ لكن و عسى أن تكرهوا شيئا
وهو خيرا لكم , لما حببت نفسي بالقسم لقيت نفسي أتفانى بالعطاء
و أحسه صار أولويه بحياتي بشكل ما تتخيلونه..
و يا بناتي خل هدفكم بالكليه الدراااسه أولا و الدجه ثانيا!!!
مو تدجون بالصاله و روحه وجيه و فراره و آخر السنه تظلمون لي هالدكاتره
حرام عليكم والله ....
خلي معك دفتر وقلم دااااائما بالمحاضرات و أكتبي يا أختي أكتبي لا تخلين
شي يقوله الدكتووور .. و أفهمي وش يبي و خلك معه أول بأول
..
س / كيف يحسب نظام الدرجات؟!!!
يتبع
7
7
7
[/align]
التعديل الأخير تم بواسطة البرونز ; 2010- 8- 3 الساعة 01:51 PM
سبب آخر: موضوع مميز
|