المشاركة الأصلية كتبت بواسطة شرقاوي الهوى أخوي حسان الله يرضى عليك لاهنت جاوب على استفساري .. العالم على أعصابها :( الامام قبلوني .. وخوفك اسحب عليهم بحجة ان الجبيل راح يقبلوني .. فـ وش الانسب يا بعدي ، انتظر إلى ما اشوف نتايج الجبيل ولا كيف ؟ علماً أن آخر يوم لـ إرسال الملفات عبر البريد الممتاز تبع الامام يوم الأربعاء 29/8 .. وهذا استفساري الله يسلمك / http://www.ckfu.org/vb/1336963-post21.html

والله شوف اخوي انا اللي اشوفه درجاتك ونسبك مررة حلوة والمفروض تقبل على الدفعات الجاية طيب.

لكن انت سلم أوراقك للجامعة وإذا قبلوك الجبيل الله يعينك تسحبها. طبعا أنا ماأدري عن نظام الجامعة هل يخلونك تسحب الملف او لا لأن في بعض الجامعات ماتسمح بسحب الملف إلا مع بداية الدراسة مثل جالمعة الملك عبدالعزيز على حد علمي.

انت لازم تستفسر قبل عن نظام الجامعة طيب.

وثاني شي لو فرضا جاك القبول في المغرب او الليل (( زيي ))
ترى عادي تجيك رسالة من الكلية في الليل ويكون موعدك اليوم اللي بعده على طول فانت كون مستعد.

في ذي الحالة لو فرضنا أنك سلمت أوراقك للجامعة تمام . لازم تروح للكلية في موعدك حتى لو بدون الشهادة الأصلية . واشرح لهم الوضع طبعا الموظف بيقول لك كمل اجراآتك لكن الشهادة لازم بكرة تكون موجودة.

يعني بتخلص اجراآت قبولك في الكلية وفحص وكل شي وتطير للرياض ويوم ثاني تصحى الصبح وتسحب ملفك من الجامعة ورجلك على البانزين للجبيل وتسلم الأصل..

وسلامتك